Microsoft Word togaymurod otamdan qolgan dalalar lotin ziyouz com doc

 
12 
Bir hafta o‘tadi, ikki hafta o‘tadi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
31
Azzancha kuchanmayin — o‘z kuchimdan ziyod terolmayman. 
O‘n kilodan oshib o‘tolmayman! 
Holdan toyib-toyib qolaman. Egat ichida o‘tirib-o‘tirib qolaman. 
Jug‘rofiya dala boshini olib turadi. Kimyo dala adog‘ini olib turadi. Birorta bola ko‘rinmay qolsa 
bo‘ldi — darrov baqiradi: 
— U-o‘, Egamov, tur! U-o‘, Nazirova, nimaga ro‘moling ko‘rinmay qoldi?! Tur, kun ketayapti! 
Men mudrab-mudrab o‘tiraman. 
— U-o‘, Jamoliddinov, karmisan — indamaysai?! Men o‘zimni eshitmaslikka olib o‘tiraman. 
Kimyo egat oralab keladi. 
— U-o‘, Jamoliddinov, nima balo, o‘lib-po‘lib qoldingmi? — deydi. 
Men shunda-da tura bormayman. 
Shunda, Kimyo xivich bilan oyoqlarimga soladi. 
Men tura solib paxta teraman. 
13
Terimchilar tera beradi —terolmovchilar kuchanib yuraberadi. 
Direktorimiz yonadi. 
— Yeganing burningdan chiqqurlar! — deydi. — Men senlar uchun byuroda gap eshitdim! O‘rtoq 
Mavlonov byuro ahli oldida izza qildi! Yo‘q, men senlar uchun izza bo‘lmayman! Y
O 
paxta 
terdiraman, yo terilaringni shilib olaman! 
Direktorimiz bir qulochcha g‘o‘zapoya tarashlab keladi. 
G‘o‘zapoya uchi shoda-shoda ko‘sak bo‘ladi. G‘o‘zapoya uchi ko‘k-ko‘k ko‘sak bo‘ladi. 
G‘o‘zapoya uchi moyakday-moyakday ko‘sak bo‘ladi. 
Direktorimiz safboshi Ziyod bilan muqobil bo‘ladi. Ziyodni iyagidan tutamlaydi. 
— Nima uchun oz terasan?! — deya zug‘umlaydi. — Ayt, nima uchun oz terasan?! Davlat seni 
nima uchun o‘qitayapti?! Davlat seni nima uchun boqayapti?! Manavi Qoraev sakson-to‘qson kilo 
teradi! Qoraevdan qaering ziyod, ayt, qaering ziyod?! 
Ziyod qalt-qalt javob beradi: 
— Qoraev o‘ninchi sinf, men beshinchi sinf, masalan. 
— Jirillama! Beshinchi sinf bilan o‘ninchi sinf farqi yo‘q! Bari katta sinf sanaladi! Ayt, normani 
bajarasanmi yo‘qmi-bajarasanmi yo‘qmi!.. 
Direktorimiz g‘o‘zapoya bilan Ziyod yelkalari osha uradi. Ziyod bellari oralatib uradi. 
Ziyod bilaklari bilan bet-boshini pana etadi. Ziyod zorillab-zorillab yig‘lab qo‘ya beradi: 
— Bajaraman, masalan, bajaraman!.. Direktorimiz musht do‘laytirib-musht do‘laytirib do‘qlaydi. 
— Bajarmay ko‘r—oyog‘ingdan osaman! Byuro ana shunday dedi!