Microsoft Word tizimli programmalash

Назорат саволлари 
 
1. Абсолют юклагич программа хотиранинг қайси адресидан юкланиши кераклигини 
қандай аниқлайди ? 
2. СЎМ учун тузилган программани боғловчи юклагич билан хотирага юклаш
мумкинми ? 
3. Нима сабабдан боғловчи юклагич бир ўтишда программани хотирага юклай
олмайди ? 
4. Юклагичлар қандай қилиб охирги вазифаси – программанинг биринчи буйруғига 
бошқарувни узатишни амалга оширади ?
5. Ҳал қилинмаган ташқи номлар нимани англатади? 
6. Паскал тилидаги стандарт кутубхоналардан изланадиган номларга мисол келтиринг . 
7. Программа бажарилишида қайси холда оверлей менеджери ишга тушади? 
8. Бир сатҳдаги сенментлар учун оператив хотирада ажратиладиган соҳа ўлчами қандай 
аниқланади?

---

32
7-мавзу. Боғланишлар таҳрири 
 
Асосий саволлар: 
1. Программанинг бажарилувчи модуллари. 
2. Динамик боғланишлар. 
3. Компиляторлар. 
4. Бекус-Науре шаклидаги грамматика. 
 
Таянч ибора ва тушунчалар: боғловчи юклагич, бажарилувчи модуллар, 
компилятор, лексима, тил семантикаси. 
Боғлавчи юклагич боғланишларни ўрнатиш, кўчириш керак бўлса кутубхонадаги 
автоматик излашларни амалга ошириб, тайёр программани бевосита оператив хотирага 
юклайди. Боғланишлар таҳрири боғловчи юклагичдан фарқли равишда ташқи 
боғланишлари ҳал қилинган программа вариантларини тайёрлаб юкланувчи модул ёки 
бажарилувчи программаларни яратади ва уларни файл кўринишда дискга ёки 
кутубхоналарга ёзиб қўяди.
Бундай программани юклаш учун оддий кўчирувчи юклагичдан фойдаланиш 
мумкин. Юклагичга барча нисбий адресларга программа бошланғич адресини қўшиши 
етарли, яъни модификация қилиниши керак бўлган барча адреслар программа бошланғич 
адресига нисбатан қиймат олади ва ташқи номлар жадвалига ҳожат қолмайди. Юқоридаги 
расмда боғловчи юклагич ва боғланишлар таҳрири ўртасида фарқ кўрсатилган.
Боғланишларни ўрнатишнинг шундай усули борки, унда қисмпрограммага боғланиш шу 
программага биринчи мурожаат вақтида амалга оширилади. Бундай боғланишга динамик 
боғланиш ёки динамик юклаш дейилади. Юклагич ҳақида гапирганда «Юклагичнинг ўзи 
оператив хотирага қандай юкланади?» деган савол туғилиши мумкин. Агар юклагич 
операцион тизим томонидан юкланади десак, операцион тизимни нима ёки ким юклайди? 
Бу саволга жавоб вариантлари қуйидагича: агар машина хотираси «бўш» деб ҳисобласак, 
у ҳолда илк программанинг юкланиш адреси сифатида бирорта ўзгармас абсолют адресни 
олишимиз мумкин. Одатда бу программа сифатида ОС бўлиб, у олдиндан белгиланган 
жойни эгаллайди. Демак, бизга бу ишни амалга ошириш учун абсолют юклагич керак. 
Юклагичнинг объект кодини оператив хотирага оператор тамонидан «қўлда» киритилиши 
мумкин, бошқа усулда абсолют юклагич оператив хотирада доимий равишда резидент 
сифатида сақланади (доимий хотира қурилмаси ДХҚ).
Маълум бир сигналлар келганда «тизим сатри» ишга тушади. Бунда ДХҚ дан
абсолют юклагич оператив хотирага ўқилади ва ишга тушади ёки ДХқни ўзида 

---

33
бажарилади. Абсолют юклагич вазифаси ташқи қурилмадан битта ёзувни ўқиб 
бошқарувни унга беришдир. Бу ёзувда юклаш жараёнини амалга оширувчи буйруқлар 
бўлади. Агар бу буйруқлар бита ёзувга сиғмаса ҳар бир ёзувда юклаш жараёнини амалга 
оширувчи буйруқлар бўлади ва ҳакоза. Биринчи юкланувчи ёзувни одатда ўраб олувчи 
юклагич дейилади. Бундай юклагичлар бўш машинада ишлаш мўлжалланган ҳар бир 
объект программа бошланишида бўлиши керак. Одатда бундай программалар сифатида 
операцион системанинг бошланғич юклагич программалари бўлади.