Microsoft Word tizimli programmalash

Таянч ибора ва тушунчалар: 
 
1. Тизимли программалаш (ТП). 
2. Соддалаштирилган ўқув машинаси (СЎМ). 
3. Адреслаш усуллари (АУ). 
4. Ассемблер жараёни(АЖ). 
5. Обеъкт программа тузилиши (ОПТ). 
6. Буйруқ ва берилганлар формати (ББФ). 
7. Программаларни кўчириш (Пк). 
8. Бошқарув секцияси (Бс).
9. Ташқи номлар аниқловчиси (ТНА). 
10. Макро кўрсатмалар (МК). 
11. Макропроцессор (МП). 
12. Автомат юклагич (АЮ). 
13. Компляция босқичлари (Кб). 
14. Лексема (Лма) 
15. Грамматика (Гка). 
16. Код генерацияси процедуралари (КГП). 
17. Операцион тизим вазифалари (ОТВ). 
18. Операцион тизим турлари (ОТТ). 
19. Мултипрограммали операцион тизимлар (МПОТ). 
20. Супервизор. 
21. Ўқиш, ёзиш буйруғи. 
22. Реал хотира тақсимоти (РХТ). 
23. Операцион тизим сиғими (ОТС). 
24. Вертуал хотира (РХ). 
25. Файл тизими (ФТ). 
26. Операцион тизимнинг шажаравий тузилиши. 
27. Операцион тизимнинг ўзаги. 
28. Операцион тизимнинг қатламлари. 
29. Вертуал режим. 
30. Windows архитектураси. 
31. Диспетчер. 
32. Хотира тақсимоти. 
33. Оқимларни бошқариш. 

---

5
1-мавзу. Тизимли программалашга кириш 

 
Асосий саволлар: 
1. Тизимли ва тадбиқий программаларни фарқи.
2. Соддалаштирилган укув машинаси. 
3. Операнд адресини ҳисоблашда Х регистридан фойдаланиш. 
4. Қўшимча воситали соддалаштирилган ўқув машинаси 
Таянч ибора ва тушунчалар: Соддалаштирилган ўқув машинаси, регистрлар,
берилганлар формати, адреслаш, ўқиш-ёзиш воситалари. 
Ушбу мавзу остида кўриладиган асосий муаммо –тизимли программа 
таъминотининг (ТПТ) айрим ташкил қилувчиларини (компоненталарини) лойиҳалашдир. 
Бунда ТПТ ва ЭҲМ архитектураси ўртасидаги боғланишлар ўрганилади ва ассемблерлар, 
юклагичлар, макропроцессорлар, компиляторлар ва операцион тизимлар кўриб чиқилади. 
ТПТ ва тадбиқий программа таъминоти бир-биридан фарқлайдиган асосий 
хусусиятлардан бири машинавий боғлиқликдир. Одатда тадбиқий программа бизни айрим 
тадбиқий масалаларни ечиш нуқтаи назаридан қизиқтиради ва унда ЭҲМ восита сифатида 
қаралиб, асосий эътибор масалани моҳиятига қаратилади. ТПТ эса ЭҲМ функцияларни 
бошқариш учун яратилади ва у бирорта конкрет масалани ечишга қаратилмайди, шу 
сабабли ТПТ машина тузилишига бевосита боғлиқ бўлиб қолади. Мисол учун, 
ассемблерлар мнемоник кўрсатмаларни таржима қилишда машина буйруқлар формати, 
адреслаш усуллари ва шунга ўхшаш хусусиятларни инобатга олиш керак. 
Шу билан биргаликда ТПТ ЭҲМ турига боғлиқ бўлмаган тамонлари ҳам борки, 
уларда умумий схема ва ассемблерлар алгоритмлари кўпгина ЭҲМ лар учун фарқ 
қилмайди. Мисол учун, компилятор тамонидан ишлатиладиган объект кодини 
оптималлаштириш усуллари. 
ТПТнинг умумийлик ва алоҳидалик хусусиятларидан келиб чиққан ҳолда, олдимизга 
қўйилган муаммони ечишда қуйидагича йўл танланади: умумийлик хусусиятларини ечиш 
учун реал ЭҲМларда жуда кўп учрайдиган аппарат имкониятларини ўзига олган 
гипотетик (мавхум) ЭҲМ –– Соддалаштирилган уқув машинаси (СЎМ), фойдаланиш 
ва алоҳидаликни кўрсатиш учун конкрет ЭҲМларидаги (жумладан, IBM туридаги 
шахсий компьютер) ТПТ компоненталарини амалга ошириш қаралади.