Microsoft Word rizyozus solihiyn ziyouz com doc

 
146-BOB 
Kasallar ahvolini so‘rashning yaxshiligi haqida 
 
909/1. Ibn Abbos (r.a.) rivoyat qiladilar: «Rasululloh (s.a.v.) o‘lim to‘shagida yotgan 
edilar. Ali ibn Abu Tolib (r.a.) u zotning huzurlaridan chiqqanlarida, odamlar: «Ey Abul 
Hasan, Rasulullohning ahvollari qanday?» deb so‘rashdi. Shunda Ali (r.a.): «Alhamdu 
lillah, shifo topgan holda tong ottirdilar», dedilar». Imom Buxoriy rivoyatlari. 
 
147-BOB 
Yashashdan noumid bo‘lib qolganda aytiladigan narsalar 
 
910/1. Oishadan (r.a.) rivoyat qilinadi. Rasululloh (s.a.v.) menga suyanib turib: 
«Allohummag‘firli varhamniy va alhiqniy birrofiqil a’la», deganlarini eshitdim». 
(Ma’nosi: Allohim, meni mag‘firat qil va menga rahm et. Meni Oliy rafiq bilan qovushtir.) 
Imom Buxoriy va Muslim rivoyatlari. 
911/2. Oisha (r.a.) aytadilar: «Rasulullohning (s.a.v.) o‘limlari yaqinlashganida 
oldilarida bir idishda suv bor edi. Unga qo‘llarini tiqdilar, so‘ng suvini yuzlariga surtib: 
«Allohumma a’inniy ‘ala g‘omarotil mavti va sakarotil mavt», deb aytdilar». (Ma’nosi: 
Allohim, o‘lim shiddati va o‘lim talvasasida menga yordam ber.) Imom Termiziy 
rivoyatlari. 
 
148-BOB