Microsoft Word quran uz abd mansur ziyouz com doc

 
55. Bas, (ey, inson,) Parvardigoringning qaysi ne'matlari haqida shubha qilursan?! 
 
56. Bu (Muhammad) ham avvalgi ogohlantiruvchilardan bir ogohlantiruvchidir.
 
57. Yaqin bo'luvchi (Qiyomat) yaqin qoldi.
 
58. Uning uchun Allohdan o'zga ochuvchi (biluvchi) yo'qdir.
 
59. (Ey, mushriklar,) hali sizlar mana shu So'zdan (Qur'ondan) ajablanayapsizlarmi?! 
 
60. Yig'lamasdan, kulayapsizlarmi?! 
 
61. G'ofillik hollaringda-ya?! 
 
62. Bas, Allohga sajda va ibodat qilingizlar!
(
Sajda oyati)

---

Qur’oni karim ma’nolari tarjimasi. Tarjimon: Abdulaziz Mansur 
www.ziyouz.com
кутубхонаси
367
QAMAR SURASI
Qamar - oy. Surada oyning ikkiga bo'linib, mo''jiza yuz bergani haqida oyatlar bo'lgani uchun nomi shunday 
ataladi.
Mehribon va rahmli Alloh nomi bilan (boshlayman). 
1.Qiyomat yaqinlashdi. (Mana) oy ham bo'lindi.
 
2. Agar ular (Quraysh kofirlari biror mo''jiza ko'rsalar,) yuz o'girurlar va "(Bu) davom etayotgan sehr-
ku!" derlar.
Izoh: Makka mushriklari Payg'ambar (a. s.)ga "Agar osmondagi oyni ikkiga bo'lsang, senga ishonamiz", - 
dedilar. Rasululloh (s. a. v) Allohdan iltijo qilib so'raganlarida, shu mo''jiza yuz bergan. Lekin baribir ular 
buni ham sehrga yo'yganlar va kufru shirklarida davom etganlar. 
3. Ular (payg'ambarni) inkor etdilar va havoyi-nafslariga ergashdilar. Har bir ish qarorini topuvchidir.
 
4. Ularga (tarixiy) xabarlar kelgan va ularda (yovuzlikdan) taqiq bor edi.
 
5. (U) yetuk hikmat bo'lsa-da, ogohlantirishlar foyda bermadi.