Microsoft Word pushkin sherlar ziyouz com doc

www.ziyouz.com kutubxonasi 
15
 
Миртемир таржимаси 
 
 
КАВКАЗ 
Кўз ўнгимда Кавказ. Ўзим юксакда. 
Корли қояларнинг ёқасидаман: 
Бургут кўтарилиб олис чўққидан 
Мен билан тенглашиб аста сузмакда. 
Бу ердан кўраман илк сел тошқинин, 
Корларнинг дастлабки қўрқинч босқинин. 
Тагимда булутлар оқади аста; 
Булут аро гувлаб шалола тошар: 
Остида баҳайбат қоқ қоятошлар; 
Нимжон ўт, қуриган чангалзор пастла; 
Кейин дарахтзорлар, салқин ўтлоқдар: 
Кутилар тинмай сайрар, кийик ўйноқлар. 
Одамлар маконин кўрмиш тог аро. 
Бўлиқ қияликда ўтлайди пода, 
Чўпон ўрлаб борар қувноқ вохада, 
Арава шошади кўк қирғоқ аро, 
Даралар пана жой юпун отликка, 
Терак ўйноклайди бебош шодликда; 
Ўйноқлару, гўё қафас тутқуни, 
Ем кўрган ёш йиртқич каби ишқирар; 
Беҳуда қаҳр-ла қиргоққа урар, 
Кояларни ялар очкўз тўлқини... 
Ҳайҳот! На қувонч бор унга, на ем бор: 
Уни лол қоялар сиқар шиддаткор. 
1829 
 
Асқад Мухтор таржимаси 
 
 
ЖИНЛАР 
 
Сур булут айланар, учар. 
Ой юзар бутун хира — 
Оқаради соврилиб қор; 
Осмон хира, тун хира. 
Йўл бепоён, чўл бепоён; 
Қўнгироқ ҳам қилур зор... 
Қўрқинч, қўрқинч — қирла сарсон 
Қезмаклик беихтиёр. 
«Қани, чу де».— «Илож йўқ. тўра 

---

Александр Пушкин. Шеърлар ва достон 
www.ziyouz.com kutubxonasi 
16
Отларга қийин бу йўл; 
Қор ёпишар кўзимга ҳам, 
Қор остида ўнгу сўл; 
Минг тикилсанг кўринмас из, 
Адашибмиз, не чора! 
Жин оздирган ўхшар, эсиз; 
Қуршаб, қилар оввора... 
Қара: ана бири юрар. 
Пуфлар, туфлар мен томон; 
Хурккан отинг, ана, судрар. 
Жарга судрар беомон; 
Саноги йўқ, кўз ўнгимда 
Қаққайишар йўл бўйи; 
Милтирашар унда-бунда, 
Ғойиб бўлар шу кўйи;. 
Сур булут айланар, учар, 
Ой юзар бутун хира — 
Оқаради соврилиб қор; 
Осмон хира, тун хира. 
Жилишга ҳам йўқдир мадор; 
Қунғироқ бирдан жимжит, 
Отлар тўхтар... «Йўлда не бор?» — 
«Қайдам, тўнгак, бўри, ит» 
Бўрон гувлар,бўрон бўзлар. 
Пишқирар сергак отлар; 
Қоронғуда ёнар кўзлар, 
Мана жин сакрар, ҳатлар; 
Торта кетди отлар тағин. 
Жиринг-жиринг қўнғироқ... 
Кўрдим: руҳлар тўпланганин 
Мажлис қилар; туз — авлоқ... 
Жинлар ҳадсиз, бадбашара; 
Хира шуъла сочар ой — 
Учар, ўйнар хил-хил давра, 
Куздаги япроқлардай... 
Эҳа: қанча! Қаён ҳайдар 
Нечун мунгли қўшиқлар? 
Қазишарми девга мозор, 
Ё алвасти тўйи бор? 
Сур булут айланар, учар, 
Ой юзар бутун хира — 
Оқаради соврилиб қор; 
Осмон хира, тун хира. 

---

Александр Пушкин. Шеърлар ва достон 
www.ziyouz.com kutubxonasi 
17
Жинлар кўчар, кўч-кўч учар - 
Йироқ кўкда пайдар-пай, 
Увлар, гувлар, жинлар зор-зор. 
Юрагимни узгудай... 
1830 
Миртемир таржимаси