Microsoft Word Pochta aloqalari doc

 
NAZORAT SAVOLLARI 
 
1. Xalqaro qiymati e’lon qilingan xatlarini manzillanishi qanday? 
2. Xalqaro qiymati e’lon qilingan xatlarda qanday joylanmalar 
jo‘natish mumkin? 
3. Xalqaro qiymati e’lon qilingan xatlarning manzil tomonida qanaqa 
belgilar qo‘yiladi? 
4. Xalqaro qiymati e’lon qilingan xatlarni qabul qilishda pochta haqi 
qaysi tartibda hisoblanadi? 
5. Xalqaro qiymati e’lon qilingan xatlarni qabul qilishda 
jo‘natuvchiga qaysi chipta daftaridan chipta beriladi va unda qanaqa 
belgilar yoziladi?  
 
3.5 Xalqaro pochta posilkalarni qabul  
qilish, ishlov berish va topshirish 
 
Posilkalarning o‘rovi joylanmalarning xarakteri, yo‘lning davo-
miyligi va jo‘natish sharoitlariga muvofiq bo‘lishi, shuningdek tashishda 
joylanmalarning shikastlanishiga yo‘l qo‘yimasligi kerak. 
Har bir posilkaga jo‘natuvchi CP 71 blankasi va CN 23 bojxona 
deklaratsiyasini to‘ldiradi. 

---

 
146
CP 71 posilka blankasi matniga muvofiq bir nusxada to‘ldiriladi. 
Uning old tomonida jo‘natuvchi «X» belgisi bilan, agar posilka berilmasa, 
uni nima qilish kerakligini ko‘rsatadi. Jo‘natuvchi o‘zining bu farmoyishini 
imzolaydi. Blankasining orqa tomoniga yozma xabar yozishga ruxsat 
etilmaydi. 
Agar jo‘natuvchi har qanday qayta yuborishni bekor qilmoqchi bo‘lsa, 
u holda posilka va blanka fransuz tili yoki manzillangan mamlakatning 
tilidagi «Ne pas reexpedier» («Yuborilmasin») belgisi bo‘lishi kerak.  
CN 23 bojxona deklaratsiyasi mayda paketdagi tartibda, Qo‘llanmada 
ko‘rsatilgan miqdordagi nusxada to‘ldiriladi. Bojxona deklaratsiyasiga 
posilkada yuboriladigan hamma buyumlar, ularning nomlari, soni va har bir 
buyumning og‘irligini, shuningdek uning bahosini milliy valyutada 
ko‘rsatib yoziladi. Bojxona deklaratsiyasida, manzil va oluvchining 
nomidan tashqari jo‘natuvchining manzili va nomi ko‘rsatiladi. Umumiy 
xarakter ko‘rsatmalariga ruxsat etilmaydi. 
Fuqarolar jo‘natadigan posilkalar joylanmasini tekshirib qabul 
qilinadi. Korxona, tashkilot, muassasalar posilkalarni yopiq holda (tegishli 
sug‘urta muhri bilan muhrlangan yoki plombalangan holda) 103-A-
shakldagi ro‘yxat bo‘yicha CP 71 blankalari, CN 23 bojxona 
deklaratsiyalarini ilova qilib, shuningdek posilkalarda posilkani qabul qilish 
kunida O‘zbekiston Respublikasi Markaziy bank kursi bo‘yicha so‘mlarda 
hisob-kitob qilinganda qiymati 500 AQSh dollaridan oshadigan buyumlarni 
yuborishda bojxona deklaratsiyalari ilova qilib jo‘natiladi. 
Posilkaga joylangan xalq iste’mol mollarining umumiy qiymati 
posilka qabul qilingan kunda O‘zbekiston Respublikasi Markaziy banki 
kursi bo‘yicha so‘mlarda hisob-kitob qilinganda 4000 SPZ dan oshmasligi 
kerak. 
CP 71 blankasiga bojxona tekshiruvi uchun zarur bo‘lgan istagan 
hujjat (hisob varag‘i, olib chiqish uchun litsenziya, kelib chiqish to‘g‘risida 
guvohnoma va sh.k.) ilova qilinishi mumkin. 
Urug‘li, o‘simliklar, o‘simlik xom-ashyosi, o‘simliklarga mansub 
boshqa mahsulotlar, boshqa materiallari va xalq iste’mol mollari joylangan 
posilkalarni jo‘natishda CP 71, CN 23 blankalarga O‘zbekiston 
Respublikasining Bosh davlat inspeksiyasi tomonidan berilgan karantin 
bo‘yicha import karantin ruxsatnomasi va fitosanitar sertifikati yoki eksport 
qiluvchi mamlakatning o‘simliklarning karantini va himoya qilish bo‘yicha 
davlat idoralari tomonidan berilgan guvohnoma qo‘shib qo‘yiladi. 

---

 
147
 (Pochta 
ma’muriyati) 
Jo‘natma/posilka xizmat tirtibida ochilishi mumkin