Microsoft Word Pochta aloqalari doc

 
Tezkor pochtaning ichki pochta jo‘natmasi – O‘zbekiston 
Respublikasi hududida tezkor pochta rejimi xizmatidan foydalangan 
holda jo‘natiladigan va adresatga yetkazib beriladigan (topshiriladigan) 
jo‘natma. 
 
1.2 Pochta aloqasi obyektlarining nomli buyumlari 
 
Nomli buyum – hujjatlar, pochta jo‘natmalari va pul 
mablag‘larining pochta o‘tkazmalariga pochta aloqasi obyekti, pochta 
vagoni yo‘nalishi, avtotrakt nomini, pochta jo‘natmasini va boshqa 
axborotni qabul qilish hamda yetkazib berish sanasini ko‘rsatgan holda 
belgi qo‘yish uchun mo‘ljallangan qurilma (shtamp). 
Quyidagilar  pochta aloqasi obyektlarining nomli buyumlari 
hisoblanadi: pochta taqvim tamg‘asi, (bundan keyin matn bo‘yicha – 
taqvim tamg‘alar), mahsus tamg‘alari, sug‘urta muhri, plombir 
paunsoni, tasma izini tushirish moslamasi, termopayvandlash mashina 
plastinalari, nazorat-geralydli muhrlar, pochta-kassa apparatlari muhri 
(nomli moduli). 
Nomli buyumlar pochta aloqasi hududiy tashkilotlarining 
buyurtmalari bo‘yicha O‘zbekiston aloqa va axborotlashtirish 
agentligining namunalari va texnik shartlariga muvofiq holda 
tayyorlanadi. 

---

 
10
Har bir nomli buyumga (plombir paunsoni, iz tushirish moslamasi 
bundan mustasno), «O‘zbekiston» so‘zi, pochta aloqasi obyektining 
nomi, shuningdek viloyatning nomi (Qoraqalpog‘iston Respublikasida - 
«Qoraqalpog‘iston» so‘zi) o‘yib yoziladi. Pochta aloqasining raqamli 
obyektlari mavjud bo‘lgan aholi punktlaridagi nomli buyumlarda aholi 
punktlarining nomidan tashqari pochta aloqasi obyektining raqami ham 
bo‘lishi kerak, masalan: Samarqand 13. Bundan tashqari, pochta aloqasi 
obyektining sug‘urta muhrida – tarmoq emblemasi, «Sug‘urtali» so‘zi; 
nazorat-geralydli muhrda, pochta-kassa apparati muhri (xos moduli)da - 
tarmoq emblemasi, ettita raqamdan iborat raqamli belgi o‘yib yoziladi. 
Pochta aloqasi obyektining nomi va manzili nomli buyumlarga 
o‘zbek tilida lotin alifbosi bilan o‘yib yoziladi. 
 Viloyat 
(Qoraqalpog‘iston 
Respublikasi)da bir xil nomdagi pochta 
aloqasi obyektlari mavjud bo‘lsa, tumanning nomi ham ko‘rsatiladi.  
 Xalqaro 
pochtamt 
uchun nomni ifodalashda «Toshkent XP P1-2» 
shaklida yoziladi. 
 
Pochtamtlar va pochta aloqasining shahar bog‘lamalari bilan bir 
qatorda pochta aloqasining tumanlararo yoki tuman bog‘lamalari 
mavjud bo‘lgan shaharlarning nomli buyumlarida shahar va tuman 
ifodasi ko‘rsatiladi: masalan – «Toshkent Chilonzor TRAV».  
Pochta vagonlari, pochta avtomobillari yo‘nalishlarining taqvim 
tamg‘asida vagon, avtomobil yo‘nalishining boshlang‘ich va oxirgi 
punktlari ko‘rsatiladi. 
Toshkent, Nukus shaharlari, viloyatlarning markazlarida pochta 
aloqasi obyektlarining tasma izini tushirish moslamasiga pochta aloqasi 
obyekti joylashgan joyning indeksi va shaharning nomi o‘yib yoziladi, 
masalan: «Toshkent 100115».  
Pochta aloqasi obyektlari, pochta vagonlarida, ish sharoiti bo‘yicha 
bittadan ortiq taqvim tamg‘a, sug‘urta muhri, plombirga ega bo‘lishi 
kerak bo‘lgan joylarda, tayyorlash vaqtida ularga alifbo tartibi bo‘yicha, 
tartib harfi, zarur bo‘lgan joyda esa – raqam o‘yib yoziladi. 
Pul o‘tkazmalariga ishlov berish va nazorat qilish markazi (bundan 
keyin matn bo‘yicha PO‘NQM) o‘z faoliyatlarida pochta aloqasi 
obyektlari uchun belgilangan namunadagi nomli buyumlardan 
foydalanadilar. 
Korxona, tashkilot, muassasalarga O‘zbekiston aloqa va 
axborotlashtirish Agentligi (bundan keyin – Agentlik) tizimiga kiruvchi 

---

 
11
pochta aloqasi obyektlari uchun belgilangan namunadagi nomli 
buyumlarni qo‘llash man etiladi. 
Nomli buyumlar, ularga zarurat qolmaganida va ularni almashtirish 
kerak bo‘lgan hollarda (nazorat-geralydli muhrlar va pochta-kassa 
apparatining muhirlari bundan mustasno) pochta aloqasi hududiy 
tashkilotining komissiyasi tomonidan joylarda mexanik yaroqsizlantirish 
yo‘li orqali yo‘q qilinadi, bu haqda nomli buyumlar va ularning yo‘q 
qilinish sabablari ko‘rsatilib dalolatnoma tuziladi. Nazorat-geralydli 
muhrlar va pochta-kassa apparatining muhri PO‘NQM ga topshirilib, u 
yerda dalolatnoma bo‘yicha yo‘q qilinadi. 
 
 
1 
 
2 
 
3 
 
4 
 
5 
 
6 
 
 
 
 
 
 
 
 
 
 
7