Microsoft Word paronimlar lugati ziyouz com doc

 
ТОЛ — ТОЛЬ 
Тол — барги узунчоқ, новдалари эгилувчан дарахт. Қора тол. 
Жим оқаётган кичик бир анҳор бўйида мажнун толлар соч ёзиб турарди. (С. Зуннунова.) 
Толь — картонга махсус модда шимдириб тайёрланган қурилиш материали. 
Томни толь билан ёпиб қўя қолдик.
ТОРТ — ТЎРТ 
Торт — ширин, егулик кондитер маҳсулотларидан бирининг номи. 
«Унинг менга келтирган шоколад, торт ва писталари билан бутун синф таъминланиб 
турди», — десам бўлади.
(«Ўқитувчилар газетаси».) 
Тўрт — «3» билан «5» оралиғидаги рақам. 
1. Тўрт иккига қолдиқсиз бўлинади.
2. Икки карра икки — тўрт. 
 
ТУБ — ТУП 
Туб — таг, асос, бирор жойнинг энг пастки қисми. Масаланинг туб моҳияти. 
Пўлат найза қоп тубида ётарми, 
Темир найза эговласанг ўтарми?
(Ф. Йўлдош.) 
Туп — бир дона ўсимлик ёки дарахт кўчати. Бир туп ўрик. 
Деҳқонбой Ортиқов ҳар бир туп ғўзани ўз фарзандидек меҳр билан парвариш қилади. 
 
ТУЗУМ — ТЎЗИМ 
Тузум — система, тузилиш. Капиталистик тузум. 
Европада қатор демократик тузумдаги мамлакатлар пайдо бўлди.
(Ойбек.) 
Тўзим — сабр, тоқат, чидам. 
Тўзимсиз битар,
Тўзимли ўзар.
(Мақол.) 
 
ТОН — ТЎН 
Тон — маълум оҳанг, товуш. 
Ўқитувчимиз бу гал бошқачароқ тонда гапирди. Ҳаммамиз таажжубландик. 
(«Ўқитувчилар газетаси».)
Тўн — қалин устки кийим.
Бир бармоқча бўйи бор,
Қизил бахмал тўни бор.

---

Паронимлар луғати 
www.ziyouz.com kutubxonasi 
40
(Топишмоқ.) 
 
ТРАКТИР — ТРАКТОР 
Трактир — Чор Россияси давридаги қаҳвахона, ресторан. 
Трактир ишқибози неча дайди, 
Қелиб даврамни олди хираликла.
(А. Тўқай.) 
Трактор — ер ҳайдайдиган қишлоқ хўжалик машинаси. 
Трактор қалбининг ҳар бир «гуп-гупи», 
Томир уришидир етти йилликнинг.
(Ж. Жабборов.)