Microsoft Word nizami g?NC?Vi-sirl?R x?Zin?SI. doc

_______________ Milli Kitabxana _______________ 
100 
 
Bu mülkü verib mənə, bəxş eləyib ki, Tanrı,  
Qovum yaramazlığı, qoruyum yadigarı. 
 
Üstüm bəzək, içimsə təzək kimidir, heyhat,  
970
        Üstüm qızıl, içim mis. Misəm, ey dadi-bidad! 
 
Gərək sənin könlündə kərəm olaydı, inan,  
Utanaydm özündən, ya da ulu Tanrıdan! 
 
Bu dünyada zülm oldu zövqüm, əyləncəm mənim,  
O dunyada başıma kül tökməzmi qəm mənim? 
 
Barsız, miskin ömrümün mükafatı - cəhənnəm,  
Mənim sümüyümü də yandıracaq bu sitəm. 
 
Nə vaxtacan töküm mən - yoxsa ömrün uzunu,  
975
        Həm xalqımın qanını, həm üzümün suyunu?! 
 
Qiyamət - məhşər günü yapışaraq yaxandan,  
Cavab istəyəcəklər, ey soyğunçu, bunu qan! 
 
Peşimanlıq həyası boğsun məni, yanmasam,  
Qoy bağrım daşa dönsün, bu qüssəni qanmasam. 
 
Bu peşmanlıq, bu həya, bu iztirab, bu kədər,  
Yol yoldaşım olacaq məhşər gününə qədər! 
 
Çiynimdəki yük qədər deyin kimin yükü var?  
Dünyada kim mənim tək bunca zavallı olar? 
 
Bu qədər cəvahirdən, bü qədər cah-cəlaldan,  
980
        Nə apara bildi Cam, nə götürdü Nəriman? 
 
Sonsuz vilayətimdə hər şey itaətimdə,  
Nə istəyirəm daha mən öz aqibətimdən?" 
 
O qədər dəyişdi ki, şahın halı, əhvalı,  
Naləsindən yumşaldı atının polad nalı. 

---