Microsoft Word Қўнғироқлар устаси docx

3 БОБ 
ТЕЛЕФОНДА ИШЛАШ: ЯҚҚОЛ АФЗАЛЛИКЛАР 
Замонавий тадбиркорлар, компаниялар ва корхоналар телефон алоқасисиз қандай 
ишлашлари мумкинлигини тасаввур қилиб бўлмайди! Мижозлар шунчаки уларнинг ёнига 
келмасди! Ҳатто исталган бевосита онлайн буюртмага йўналтирилган интернет магазинлар 
ҳам телефонга ва қўнғироқларни қабул қилувчи ходимларга эга! 
Телефонда ишлашнинг мижоз ва сотувчи учун қандай фойдали томонлари бор? 
1. Куч ва вақтни тежаш – Ҳеч қаерга бориш шарт эмас! Барча саволни қисқа вақт 
ичида телефон орқали сўраш ва ечиш мумкин! Вақт эса ўзгармас ресурс 
ҳисобланади.
2. Пул тежалади – Ёқилғи ва транспорт учун тўловлардан қўнғироқ қилиш анча 
арзон. Яна пул турадиган вақтни сарфлаш керак бўлмайди! Шаҳарнинг узоқ бир 
бурчагидан мижознинг шунчаки “бу неча пул туради?”, деб сўраш учун келишини 
тасаввур қилиш ғалати. 
3. Суҳбатлашишга кетадиган вақт қисқалиги. Телефон орқали мулоқот, одатда, 
кўришиб сўзлашганга қараганда қисқароқ бўлади. 
4. Қулай муҳит. Юзма-юз мулоқотда агар суҳбатдошингиз ёқмаса, ўрнингиздан 
туриб кетиш ноқулай. Фақатгина ўзига етарли даражада ишонадиган одамларгина 
бундай қила олиши мумкин. Телефонда мулоқот қилишда ҳар ким ўз ҳудудида 
қулай шароитда бўлади ва суҳбатни осон тўхташи мумкин, гўшакни қўйиб қўйиш 
етарли. 
5. Ахборот қўлингизда. Юзма-юз мулоқотда саволларга жавоб қайтаришда сиз 
қоғозга ёки прайс-листга назар соласиз, мижоз сизни етарлича ваколатга эга эмас 
деган хулосага келади. Телефон орқали мулоқот зарур маълумотларни олдиндан 
тайёрлаш ва улардан ҳеч қандай хавфсиз фойдаланиш имконини беради. Зеро 
суҳбатдошингиз барибир сизни телефондан кўрмайди. 
6. Ёзувларни қайд этиш имконияти. Телефонда суҳбатлашишда маълумотларни 
қайд этиш мутлақо нормал ҳолат ҳисобланади. Юзма-юз алоқада буни имкони йўқ. 
Суҳбатдошингиз сизни хотирангиз паст, деб ўйлаши мумкин.

---

7. Суҳбатни тўхтатиш имконияти. Агар зарурат туғилса ҳар доим суҳбатни “hold” 
ушлаб туришга ўтказишингиз мумкин. Агар сиз “ушлаб туриш” сабабини ва кутиб 
15-25 сониядан ошмаслигини тушунтирсангиз одамлар бу каби илтимосни нормал 
қабул қилишади. Юзма-юз мулоқотда эса бунинг имкони йўқ.
8. Мулоқотни тўхтатиш ва суҳбатни бошқа вақт давом эттириш. Агар сиз банд 
бўлсангиз мижоз рақамини ёзиб олиб, унга кейинроқ қўнғироқ қилишингиз мумкин 
ва бу орқали мураккаб саволларни ҳал этиш учун қўшимча вақтга эга бўласиз. 
Ҳаётда агар одам аллақачон келган бўлса, “бошқа сафар келиш” ибораси мутлақо 
бошқа реакцияга сабаб бўлади. 
9. Мавқе. Лавозиминигиздан қатъий назар, сиз компания вакили бўлганингизда 
телефонда сизнинг мавқеингиз бир мунча баланд бўлади – сиз деярли 
компаниядаги асосий шахссиз! Танганинг орқа томони – хатоларингиз ҳам юқори 
баҳога эга бўлади. 
Агар сиз суҳбатдошга маъқул келган бўлсангиз, демак сиз қўнғироғингиз 100 фоиз иш 
берди. Сизнинг учрашув чоғидаги мулоқотингиз яна-да ижобий ва самарали бўлади.