Microsoft Word navoiy nasoyimul-muhabbat lotin ziyouz com doc

454. Xoja Hasan Attor r. t.
 
 Alar Xoja Alouddin Attorning farzandidurlar. Qaviy jazbalari bor ermish. Va jazba tariqi bila har 
qachon har kimga tilasalar erkan, tasarruf qilurlar ermish va ani bu olamg‘a, huzur va shuur 
maqomidin o‘tkarib, bexudliq va beshuurliq olamig‘a yetkurur emishlar. Va g‘iybat va fano jomiki 
ba’zi suluk va mujohada ahlig‘a ado sabili nadrati voqe’ bo‘lur, anga tutar ermishlar. Va oncha 
Movarounnahr va Xurosonda bu ishning toliblar orasida alarning bu isrofu tasarrufi muqarrar va 
mashhurdur. Har kim dastbo‘sig‘a musharraf bo‘lsa ermish, bexud bo‘lub yiqulur ermish va haqiqiy 
sakru fano davlati anga muyassar bo‘lur ermish. Va derlarki, bir kun saboh uydin chiqqan ermishlar va 
g‘olib kayfiyatlari bor ermish. Ul holda har kishiga ko‘zlari tushubdur, kayfiyat va bexudlug‘ dast 
berib yiqilibdur. Alarning darveshlaridin biri muborak safar azimatig‘a Hiriyga kelgan ermish. Ko‘cha 
va bozor-dakim yurur ermish, elga andoq ma’lum bo‘lur ermishki, o‘z holida emas va anga botiniy 
kayfiyat g‘alaba qilibdur. Hazrat Maxdum n. m. n. debdurlarki, bu silsilada azizeki, men alar 
suhbatig‘a yetar erdim, alardin alarning holin istifsor qildim. Dedilarki, ul darveshning ishi budurki, 
doyim Xoja Hasanning suratin xotirda asrar va anga muroqib bo‘lur, bu ish barakatidin alarning jazbasi 
anga asar qilib, bu nav’ mag‘lublig‘ va bexudlig‘ anga dast berur. Va alar andoqki, Xojalar silsilasidagi 

---

Alisher Navoiy. Nasoyim ul-muhabbat 
www.ziyouz.com
 kutubxonasi 
131
ba’zi azizlar bemorlar marazi yuki ostig‘a kirib, bemor sihhat topib, alar ul bemorlig‘ni tortarlar 
ermish. Hijoz safaridaki, Sherozg‘a yetibdurlar, ul yerning akobiridin biri alar nisbatig‘a irodat va 
ixlosi tamom ko‘rguzub erkandur, anga maraze toriy bo‘lg‘ondur. Xoja aning iyodatig‘a borib, maekur 
bo‘lg‘on dastur bila aning marazini qabul qilib, ul yuk ostig‘a kiribdurlar va ul aziz sihhat topib dur va 
Xoja Hasan hazratlari mariz bo‘lub, ul maraz bila olamdin o‘tubdurlar; Va alarning bu voqeasi sakkiz 
yuz yigirma oltida qurbon hayitining dushanba kechasida voqe’ bo‘lubdur. Va na’shlarin Sherozdin 
Chag‘oniyong‘aki, otalarining madfani andadur, naql qilibdurlar.