Microsoft Word navoiy nasoyimul-muhabbat lotin ziyouz com doc

51. Abu Ali Sindiy q. t. s.
 
 Shayx Ro‘zbehon Baqliy q. s. «Shathiyot» sharhida debdurkim, ul Boyazidning ustodlaridindur. 
Boyazid q. s. debdurkim, men Abu Alidin fano ilmini tavhidda o‘rganur erdim. Ul mendin «Al-
hamdu» va «Qul-hu-volloh»ni. 
 
 
52. Abu Hafs Haddod q. s.
 
 Avvalg‘i tabaqadindur. 
 Oti Amr b. Salama. Nishoburning kentlaridindur. Abu Usmon Hiriyning ustodi. Olam yagonasi 
erkandur. Shoh Shujo’ Kirmoniy anga nisbat durust qilur. [Mashoyixlardan ba’zisi aytibdurki, 
Junaydga hikmat, Shoh Shujo’ Kirmoniyga vujud, Abu Hafsga axloq va Abu Yazidga haymon 
berildi]
1
. 
 Abu Hafs Ahmad Xuzravayh bila Boyazidning rafiqi erdi va Abdulloh Mahdiy Bovardiyning 
shogirdidur. Ul debdurkpm, zohir-husn adabi, botin-husn adabining unvonidur. Hajga borurda 
Bag‘dodga yetishti. Junand ,q. s. istiqbol qildi. Abu Hafs q. s. musin erdi, muridlari bosh ustida ko‘laga 
qilib, ayog‘ Ustig‘a turub erdilar. Junayd ashobg‘a dediki, muluk adabin o‘rganibsiz? Agar 
o‘rganmansiz. ko‘rung, o‘rganing! Zoxir yuzidin adab asramak Tengrining do‘stlarig‘a, botin yuzidin 
adab asramakdur Tengrig‘a. Abu Hafs debdurki, har kim, har vaqtda af’olu ahvolin kitob va sunnat 
mezoki bila vazn qilib, rost qilmag‘ay ul kishini er demasbiz. Va ham ul debdurki, [futuvvat– insof va 
adolat qilish, lekin ularni talab-qilmaslik]
2
. Va dunyodin o‘tganini ta’rix ikki yuz oltmish to‘rtda, ba’zi 
oltmish yettida debdurlar.