Microsoft Word navoiy nasoyimul-muhabbat lotin ziyouz com doc

 Intiboh
 – qalbdagi g‘aflatning barham topishi, bedorlik, ruhiy uyg‘onish. 
 Istiqomat
 – to‘g‘rilik, to‘g‘ri harakat etish, rost yo‘lga yetishish. Qushayriy ta’biriga ko‘ra 
«Istiqomat karomatdan ustun erur». 
 Karomat
 – ikrom, sharaf, karam, lutf va ehson demak: Karomat – payg‘ambarlik da’vosidan 
yiroq bo‘lgan odamda favqulodda holatning zuhurlanishi yoki ruhiy tajriba bilan bog‘liq hayratlanarli 
voqea-hodisalarning sodir bo‘lishi. Karomat ikkiga bo‘lingan: birinchisi – karomati kunniya. Ikkinchisi 
– karomati ilmiy. Bular «kavniy» va «haqiqiy» deb ham atalgan. Kavniy karomatlar – qisqa fursatlarda 
ro‘y beradigan favqulodda g‘ayiritabiiy hodisalar. Masalan, havoda uchmoq, dengizda yurmoq, 
insonning qush yoki boshqa jonzotga aylanishi, qushga o‘xshab parvoz qilishi shular jumlasidandir. 
Haqiqiy karomat esa – ilm, irfon, ma’rifat, ibodat, axloq va insonlikdagi ustunlik va shu ustunlikdan 
yuzaga kelgan turli shakllardagi hodisotlar. Tasav-vuf ahlining e’tiqodiga ko‘ra, asl karomat –karomati 
ilmiy hisoblanadi. Shuning uchun aql va ma’rifatning kuchiga ishongan odamlar karomati kunniyaga 
ishtiboh bilan qaraganlar.