Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
319
Budur komimkim, Bahromi dilovar 
Ki, bor erdi manga ul yoru yovar. 
Cheriklar jam’ aylab bemadoro, 
Bu yon qilsa azimat oshkoro. 
Qilichi to‘yg‘arib Xusravni jondin, 
Tilasa begunah qonimni ondin! 
Eshitgach shoh bu o‘tlug‘ fasona, 
Agar boshidin ursa o‘t zabona. 
Yomon ahvolima aylab yaqo chok, 
O‘zin tufrog‘larg‘a ursa bebok. 
Qo‘shub yig‘lasa bu ovorasini, 
Qayu ovora, bag‘ri rorasini. 
Bo‘tam deb goh bo‘zlab, goh o‘kursa, 
Jafo toshin sinuq ko‘ksiga ursa, 
Yer uzra tojini urmoqqa qo‘yma, 
Terib taxtini sindurmoqqa qo‘yma. 
Degil mendinki, ey shohi jahongir, 
Torilmas Tengri taqdirig‘a tadbir. 
Mening ishq ermish avvaldin sirishtim, 
Yana g‘urbatda o‘lmak sarnavishtim. 
Ne Haq yozg‘onni ko‘rmay chora bormu, 
Davoyi bo‘lmayin ovora bormug‘! 
Bu ishga ollinga hukmi qazo ber, 
Ne ish Haqdin qazo bo‘lmish, rizo ber! 
Meni gar umrdin charx etti navmid, 
Jahon mulkida bo‘lsun shoh jovid. 
Yiqilsa hujra, bo‘lsun qasr obod. 
Qurusa sabza, bo‘lsun sarv ozod. 
Anomg‘a bu xabardin tushsa oshub, 
g‘amimdin xora uzra bo‘lsa sarko‘b. 
Jahonga o‘t solib g‘avg‘osi har yon, 
Yetardek bo‘lsa vovaylosi har yon. 

---

Alisher Navoiy. Farhod va Shirin