Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
288
Ne bo‘lg‘ay erdi charxi zulmresha, 
Meni sendin judo qilmay hamesha. 
Xiroming chog‘i yo‘ldosh o‘lsam erdi, 
Sukuning vaqti qo‘ldosh o‘lsam erdi. 
Quyosh yanglig‘ bo‘lub kunduz qarining, 
Bo‘lub tun soya yanglig‘ hamnishining. 
Tikon kirsa kafingg‘a kinasidin, 
Chiqorsam erdi kirrik ignasidin. 
Ayog‘ sunsang bo‘lub g‘amdin xaroshing, 
Mudom o‘lsa edi qo‘ynumda boshing. 
Ko‘rub xoru xas o‘rnungda nihoni, 
Sochim birla surursam erdi oni. 
Chu bilsam garddin ko‘nglungda qayg‘u, 
Yer uzra ashkdin sersam edi suv. 
Boshingg‘a tushsa mehnat shomi jovid, 
Yuz ochib zohir etsam erdi xurshid. 
Agar joningg‘a qasd etsa uzun kun, 
Sochim yetkursa erdi anbarin tun. 
Yuzungni olmasam erdi engimdin, 
Aritsam erdi ashkingni yengimdin. 
Junun ta’vizig‘a ko‘rganda moyil, 
Qo‘l etsam erdi bo‘ynungg‘a hamoyil. 
Tilar bo‘lsang yuzung ko‘rmakka ko‘zgu, 
Yuzum yuzungga tutsam erdi o‘tru. 
Suv istab tushsa o‘tlug‘ ko‘nglunga jo‘sh, 
Labimdin tutsam erdi chashmai no‘sh. 
Damo-dam aylabon hamdamlig‘ingni, 
Kecha-kunduz qilib mahramlig‘ingni. 
Tunungda sham’i majlis bo‘lsam erdi, 
Kun o‘lsa yoru munis bo‘lsam erdi. 
Chu aylabtur sirehri tezraftor, 
Seni bir yon, meni bir yon giriftor. 

---

Alisher Navoiy. Farhod va Shirin