Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
146
Dedi: «Bilmon, ne holat dast bermish 
Ki, sizga mujib ushbu motam ermish. 
Bu ish gar xo‘b, agar zisht erdi bori, 
Manga, billah, yo‘q erdi ixtiyori. 
Tutung ma’zurkim, rasvo bo‘lubmen, 
Demay rasvo bo‘lubmenkim, o‘lubmen. 
Bo‘lung xush botinu zohirda mendin, 
g‘ubore asramang xotirda mendin». 
Bu yanglig‘ zohir aylab ko‘p malolat, 
Berib xotirlarig‘a istimolat. 
Ko‘zi birla tili garchi bu sori, 
Va lekin jonu ko‘ngli ko‘zgu sori. 
Alar bu nuktalardin shodmona, 
QO‘pub uylarga bo‘ldilar ravona. 
Bu yanglig‘ chun alarg‘a chora qildi, 
Yana ul ko‘zguga nazzora qildi. 
Burung‘udek yuzi erdi qorang‘u, 
Hakimikim yasog‘ondur bu ko‘zgu
3
. 
Tilismin bo‘yla qilg‘ondur radidor 
Ki, har shakl ondakim bo‘lg‘ay namudor. 
Chu nozirg‘a tamosho hosil o‘lg‘ay, 
Yana hosil tilismi botil o‘lg‘ay. 
Chu Farhod ul talabdin bo‘ldi navmid, 
O‘zin ko‘rdi g‘amu mehnatda jovid. 
Dedi chun o‘lgali g‘amdin yovushti 
Ki: «Oh ish tushti, ammo sa’b tushti. 
Agar qilsam o‘zumni rora-rora, 
Chu matlub o‘lmag‘ay hosil, ne chorag‘! 
Burun andinki kuygay joni zorim, 
Junun olg‘ay ilikdin ixtiyorim, 
Kerakdur chorae andesha qilmoq, 
Xirad rasmini da’bu resha qilmoq. 

---

Alisher Navoiy. Farhod va Shirin