Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
51
Alif, be degach ustod ibtidodin, 
Alif oldi alamdin, be balodin. 
Ham avval kunda berdi sarvi gulxad 
Atog‘a hadyai ta’limi abjad
6
. 
Uchunchi oy ravon bo‘ldi savodi, 
Burung‘i yilda Qur’on bo‘ldi yodi. 
Agar bir qatla ko‘rdi har sabaqni, 
Yana ochmoq yo‘q erdi ul varaqni. 
Ne so‘znikim o‘qub ko‘ngliga yozib, 
Dema ko‘ngliki, jon lavhiga qozib. 
O‘qub o‘tmak, uqub o‘tmak shiori, 
Qolib yodida safha-safha bori. 
Ko‘rub chun ishqu oshiqliq maqolin, 
Topib oshufta mahzun ko‘ngli holin. 
Aning sharhini takror aylabon ko‘r, 
O‘qurda nolayu zor aylabon ko‘r. 
Bo‘lub oshiq g‘ami sharhida g‘amnok, 
Yaqo chokin o‘qub, aylab yaqo chok. 
Kim etsa darddin oz-oz rivoyat, 
Qilib ul dard anga ko‘r-ko‘p siroyat. 
Kishi ko‘nglin bilib afgor yig‘lab, 
Ne ko‘zda ashk ko‘rgach zor yig‘lab. 
Hakim ul ishda qolib lol har dam, 
Qilib andin yuz istidlol har dam. 
Atog‘a gah bo‘lub g‘olib tahayyur, 
Anoni goh etib ojiz tafakkur. 
Bu deb atfolg‘a bu nav’ o‘lur hol, 
Ul aytib, yo‘qtururmu o‘zga atfol. 
Qilib har bir ani bir nav’ ta’bir, 
Biri bilmay ne nav’ erkonni taqdir. 
Ishi bu yanglig‘ erdi el aro fosh 
Ki, to umridin oning o‘tti o‘n yosh. 

---

Alisher Navoiy. Farhod va Shirin