Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
148
Debon devona, solsa band ayoqqa, 
Qutulmoq ul zamon chekkay yiroqqa. 
Agar farzan jununum dog‘i ketgay, 
Nechakim aytsam, kim bovar etgay. 
Hamul avloki to o‘zumni bilsam, 
Qila olg‘oncha o‘z hifzimni qilsam». 
O‘ziga qildi torqoch ish hisobin, 
Xirad qonunida ish irtikobin. 
Muni bilmayki qilg‘och ishq bedod, 
Bo‘lur yuz aqlu donish rasmi barbod. 
Ketur soqiy, sharobi oshiqona 
Ki, bo‘lmishmen xirad birla fasona. 
Meni ishqu fano bazmida xos et, 
Xirad ranju balosidin xalos et. 
XXVII
Farhodning ishq shu’lasida kuyub ul o‘tni jon rardasida yashur-moqdin va hajr xunobasin yutub ul 
zahrni ko‘ngul ichinda singurmoqdin gulbargi ahmardek jamoli za’faroniy va naxli sanu-bardek niholi 
xayzaroniy bo‘lub asr hukamosi va dahr atibbosi aning bahori sihhati xazoni marazg‘a 
yuzlangonining tashxisini savdog‘a qilib bu savdo bila aning maqomi ta’yinin jazoyir bila daryog‘a 
qilg‘onlari va bu daryo safari savdosidin anga sud istab nasibalari ziyonbud bo‘lg‘oni 
Tariqi ishq ixfosida mohir, 
Bu yanglig‘ ishq sirrin qildi zohir 
Ki, Farhod aylabon ishqin nihoni, 
Xiraddin ko‘rguzur erdi nishoni. 
Qayu uy ichra bo‘lsa shu’la mavjud, 
Emasdur uyga boki gar chiqor dud. 
Yonib o‘t chiqmos o‘lsa dudi mutlaq, 
Ul uy devorig‘a bo‘lmoq kerak shaqq. 
Falak ham mehrin oqshom aylamas fosh, 
Bo‘lur zohir chu anjumdin to‘kar yosh. 
Yoshurg‘ay nofa xud mushki tatori, 
Yoyilmoqda isi, ne ixtiyori. 

---

Alisher Navoiy. Farhod va Shirin