Microsoft Word musnad abu hanifa ziyouz com doc

 
HAJ 
221
Abu Hanifa (r.a.) Atiyyadan, u Abu Saiddan (r.a.) rivoyat qiladi. Abu Said (r.a.) aytdi: 
«Rasululloh (s.a.v.): «Kim hajga bormoqchi bo‘lsa, shoshilsin (tez harakat qilsin)», deya 
marhamat qildilar». 
222
Abu Hanifa (r.a.) Alqamadan (r.a.) rivoyat qiladi. «Hazrati Payg‘ambar (s.a.v.): «Hajga 
borgan kishi (gunohlari) kechirilgandir. Hajga borgan kishi muharram oyi chiqqunga 
qadar gunohini kechishni so‘rasa, uning ham gunohlari avf etiladi», deya marhamat 
qildilar». 

---

Musnad. Imom A’zam Abu Hanifa 
www.ziyouz.com
kutubxonasi 
48
223
Abu Hanifa (r.a.) Qaysdan, u Toriqdan, u Ibn Mas’uddan (r.a.) rivoyat qiladi: Ibn Mas’ud 
(r.a.) aytdilar: «Rasululloh (s.a.v.) marhamat qildilar: «Hajning eng afzali baland ovoz 
va oqizishdir. Baland ovoz - talbiya va tahlil aytish va oqizish esa, qurbonlik so‘yishdir».
Bir rivoyatda: «Hady qurbonligi so‘yishdir», deyilgan. 
224
Abu Hanifa (r.a.) Yahyodan rivoyat qiladi. Yahyoga Nofiy xabar berdi. Nofiy aytadi: 
«Abdulloh ibn Umardan (r.a.) eshitdim: «Bir odam turdi va: 
- Ey Allohning rasuli! Tahlil qaerdan boshlanadi? - deb so‘radi. 
Allohning rasuli (s.a.v.) marhamat qildilar: 
- Madina aholisi Zulxulayfadan boshlaydi. Iroq aholisi Aqiqdan boshlaydi. Shom ahli 
Juhfadan boshlaydi. Najd ahli Qarndan boshlab talbiya aytishadi». 
225
Abu Hanifa (r.a.) Hammoddan, u Ibrohimdan, u Asvad ibn Yaziddan (r.a.) rivoyat qiladi. 
Al-Asvad ibn Yazid (r.a.) aytdi: «Hazrati Umar (r.a.) odamlarga xutba qildilar va dedi:
- Sizdan kim haj qilmoqchi bo‘lsa, Miyqotdan boshlasin. Miyqot joylarini esa Nabiy 
(s.a.v.) belgilab berganlar. Madina ahli va madinalik bo‘lmay, u yerdan o‘tganlar uchun 
Zulxulayfa, Shom ahli va shomlik bo‘lmay, u yerdan kelganlar uchun Juhfa miyqotdir. 
Najd ahlining va Najd ahlidan bo‘lmay, u yerdan hajga kelganlarning miyqoti Qarndir. 
Yaman ahli uchun va yamanlik bo‘lmay, u yerdan kelganlarniki Yalamlam, Iroq ahli va 
boshqa insonlarning miyqoti esa Zoti irqdir».