Microsoft Word muminalar ziyouz com doc

Maryam mehrobdalar

 

 

Maryamning yoshlari oltiga yetganida xos mehrob oldida o‘tirdilar, u yerga hech kim 

kirmasdi. Taom-ichimliklarini olib kirib berishardi. Hatto ruxsatlarisiz oldilariga 

kirishmasdi. Zakariyo har kuni Maryam huzurlariga kirganida oldilarida qishda yozning 

mevasini, yozda qishning mevasini ko‘rardi. U: «Ey Maryam, bu narsalar senga 

qayoqdan keldi?» deb so‘raganida (Maryam) javob qildi: «Bular Alloh huzuridandir. 

Albatta Alloh O’zi istagan kishilarga behisob rizq berur» (Oli Imron surasi, 37-oyat). Buni 

ko‘rgan Zakariyo alayhissalomning havasi kelar, Allohning qudratiga tan berib, bir solih 

farzand ato etishini so‘rab duo qilar edilar. Lekin yoshlari ulug‘, ayollari qari edi. Alloh 

taolo duolarini ijobat qildi. Yahyo ismli o‘g‘il xabarini va uning Bani Isroilga nabiy, rasul 

bo‘lishi bashoratini berdi. 

 

Yillar o‘tdi, Zakariyoning yoshlari bir joyga borib, Maryamni tarbiyalashga qudratlari, 

quvvatlari yetmay qoldi.