Microsoft Word монетар ум к 2019й docm

53 
Фъючерс операциялари.
Фъючерс – ҳосилавий молиявий инструментлар туркумига 
киради. Фъючерс операциялари, биржадаги муддатли операциялар бўлиб, хомашё товарлари, 
олтин, валюта, молиявий ва кредит инструментларини шартнома тузилаётган пайтда қайд 
eтилган баҳода сотиш ёки сотиб олишдан иборат. Бунда, шартномани ижроси келгусида (2-3 
йил) амалга ошади. 
 
Амалиётда товар, фонд ва валюта фъючерслари мавжуд. 
Молиявий фъючерслар билан савдонинг асосий марказлари – анъанавий муддатли товар 
биржаларидир, яъни Чикаго ва Нъю-Йорк товар биржалари. Бундан ташқари, улар билан 
Канада, Лондон, Сингапур, Сидней биржаларида ҳам савдо қиладилар. Шу билан биргаликда, 
ихтисослашган марказлар ҳам фаолият кўрсатади. Масалан, НИФЕ (Нъю-Йорк), ЛИФФЕ 
(Лондон), Торонто фъючерс eксчендж. Жаҳонда фъючерслар билан 1 кунлик савдонинг 
умумий ҳажми тахминан 150 млрд. АҚШ долларини ташкил этади. 
Фъючерс операцияларида кўпчилик брокер фирмалари, инвестиция институтлари, саноат 
ва савдо монополиялари, алоҳида инвесторлар иштирок этади. Шу билан биргаликда, ушбу 
операцияларда катта ролни тижорат банклари ўйнамоқда. Бунинг учун улар алоҳида махсус 
шуъба компаниялар ёки бўлимлар ташкил этади. 
Фъючерс операцияларини тартибга солиш (мувофиқлаштириш) биржа раҳбарияти, 
Марказий банклар ва Молия вазирликларига юклатилган. АҚШда муддатли савдо бўйича 
махсус федерал комиссия ташкил eтилган. 
 
11.5. Валюта сиёсатининг моҳияти, ҳуқуқий ва назарий асослари 
Валюта сиёсати
– валюта муаммолари бўйича қарорларни тайёрлаш, қабул қилиш ва 
тадбиқ этишдан иборатдир. Валюта муносабатларини тартибга солиш бир неча поғоналардан 
иборат: 
Хусусий фирмалар, биринчи навбатда валюта муносабатларида актив иштирок eтаётган 
ва йирик валюта маблағларига эга бўлган миллий ва халқаро банклар ва коорпорациялар 
киради; 
Халқаро давлат қаторидаги миллий давлатлар (Молия вазирлиги, Марказий банк, валюта 
назорати ташкилотлари).