Microsoft Word ko'chirma namuna

QARSHI MUHANDISLIK-IQTISODIYOT INSTITUTI

“Xorijiy tillar” kafedrasi yig‘ilishining

№ 17 – bayonnomasidan KO‘CHIRMA


20-May 2022 y. Qarshi shahri
Taqrizchilar: Qarshi muhandislik iqtisodiyot instituti
“Xorijiy tillar” kafedrasi
p.f.n dotsent Z.P.Aminova


Qarshi davlat universiteti
Fakultetlararo ingliz tili kafedrasi
f.f.n dotsent A.G‘. Aliqulov
Kafedra tarkibi: 42ta
Qatnashdilar: Yig‘ilish raisi B. Xoliyorov va 40 ta kafedra a'zolari
Kun tartibidagi masalalar: Har xil masalalar: Kafedra o‘qituvchilari tomonidan tayyorlangan uslubiy ishlarni tasdiqlash.
Yig‘ilishni kafedra mudiri B.H.Xoliyorov ochib berdi va kun tartibida ko‘riladigam masalalar bilan kafedra professor-o‘qituvchilarini tanishtirdi. So‘ng kafedra dotsenti V.N.Xolmatova so‘zga chiqib, kafedraning o‘qituvchisi G. Sh. Doniyorova tomonidan tayyorlangan “Muhandislik texnikasi” fakulteti “Transport vositalari muhandisligi” yo‘nalishi 2-bosqich talabalari uchun ingliz tili fanidan amaliy mashg‘ulotlarda foydalanish uchun tayyorlangan “English for automotive studies” nomli o‘quv qo‘llanma haqida gapirib o‘tdi. Unga ko‘ra ushbu o‘quv qo‘llanma berilgan leksik va grammatik ma`lumotlar, mashqlar va topshiriqlar bilan mustahkamlanadi.. Xorijiy tilni o‘rganishda muhim hisoblangan integratsiya usulida ya`ni til ko‘nikmalarining barchasi eshitish, o‘qish, gapirish va yozish ko‘nikmalari asosida mashqlar tashkil qilishga alohida e`tibor qaratilgani ta`kidlandi. Shuningdek, ingliz tili grammatikasi va mutaxassisligiga oid mavzular va ularga asoslangan qiziqarli mashqlar, grammatik ma'lumotlar hamda sohaga oid terminlar kiritilgan. Qo‘llanmaning o‘quv materiallarida kalendar - o‘quv rejada ko‘rsatilgan mavzularga oid tegishli leksik materiallar, grammatik mavzular va nutqni rivojlantirish uchun muhim mavzular jamlangan. Ushbu materiallar tarkibiga ko‘ra matnlar, yangi so‘zlar va ularga oid mashqlar, turli mazmundagi qiziqarli topshiriqlar, qiziqarli faktlar va pedagogik texnologiyalardan tashkil topgan. O‘quv materiallar bo‘limida o‘z ifodasini topgan leksik, grammatik, tinglab tushunish, yozish ko‘nikmalarini rivojlantirish uchun berilgan mashqlar va topshiriqlar ingliz tilini o‘rganuvchi talabalarning og‘zaki nutqlarini, tinglab tushunish va yozish ko‘nikmalarini rivojlantirishni to‘liq qamrab olgan hamda talabalarning so‘z boyliklarini oshirib borishni ta'minlashga xizmat qiladi. O‘quv qo‘llanmada kasbiy nutqni rivojlantirish uchun iboralar , qo‘shimcha ma'lumotlar, talabalarning til o‘rganishga bo‘lgan qiziqishlarini oshirish uchun turli xil qiziqarli o‘yinlar, boshqotirmalar va aniq faktlarga asoslangan ma'lumotlar aks ettirilgan.
Yig‘ilish raisi hozirgi paytda mazkur yo‘nalishlarda foydalanish uchun uslubiy ishni yetishmasligi sababli ushbu o‘quv qo‘llanmani nashrga tavsiya etish mumkinligi haqida gapirib, o‘quv qo‘llanmani atroflicha muhokama qilinganligini ta'kidladi va kafedra yig‘ilishida tasdiqlash taklifini bildirdi, ochiq ovozga qo‘ydi:
Ovoz berish natijalari:
Rozilar: 41
Qarshilar: 0
Betaraflar: 0
Ko‘rilgan masala yuzasidan kafedra yig‘ilishi
QAROR QILADI:

1. Kafedra o‘qituvchisi G. Sh. Doniyorova tomonidan tayyorlangan “Muhandislik texnikasi” fakulteti 2-bosqichda tahsil olayotgan talabalar uchun ingliz tili fanidan amaliy mashg‘ulotlarda foydalanish uchun tayyorlangan “English for automotive studies” nomli o‘quv qo‘llanma kafedrada tasdiqlansin va institut uslubiy kengash muhokamasiga taqdim etilsin.

Yig’ilish raisi: B.Xoliyorov

Yig’ilish kotibasi: D.Jabborova