Alohida e’tibor qaratish lozim bo‘lgan navbatdagi eng muhim
ustuvor vazifa — qishloqda turmush darajasini yuksaltirishga,
qishloqlarimiz qiyofasini o‘zgartirishga qaratilgan uzoq muddatli va
bir-biri bilan chambarchas bog‘liq keng ko‘lamli chora-tadbirlarni
amalga oshirish, ijtimoiy soha va ishlab chiqarish infratuzilmasini
rivojlantirishni jadallashtirish, mulkdorning, tadbirkorlik va kichik
biznesning maqomi, o‘rni va ahamiyatini tubdan qayta ko‘rib chiqish,
fermer xo‘jaliklari rivojini har tomonlama qo‘llab-quvvatlashdan
iboratdir.
2009 yili tasdiqlangan "Qishloq taraqqiyoti va farovonligi yili" Davlat
dasturida bu hujjatning mazmun-mohiyati, eng muhim yo‘nalishlari,
konkret parametrlari va moliyaviy manbalari aniq belgilab qo‘yilganini
hisobga oladigan bo‘lsak, bugun bu masalalarga batafsil to‘xtalib
o‘tishning zarurati bo‘lmasa kerak.
Lekin bu ustuvor yo‘nalish va uni amalga oshirish dasturi nafaqat 2009
yil, balki o‘rta muddatli istiqbol uchun belgilab olinganini alohida
ta’kidlash o‘rinlidir.
Do'stlaringiz bilan baham: |