Microsoft Word ingliz tilida sozlashuvchi mamlakatlarda talim tizimi avstraliya talim tizimi va uning oziga xos xususiyatla

 

2. O’RTA KASBIY TA’LIM VA UNING O’ZIGA XOS 

XUSUSIYATLARI 

     O’rta  kasbiy  ta’lim  muassasalarining  keng  tarmog’ini  yaratish 

Avstraliya  ta’lim  sohasidagi  eng  katta  muvaffaqiyatlardan  biri 

hisoblanadi.  Bunday  muassasalar  TAFE  (Technical  and  Further 

Education)  kollejlari  va  institutlari  nomi  bilan  mashhur.  Ularning  soni 

umumiy  hisobda  300  dan  ortiq.  Odatda,  oliy  ta’lim  olishga  u  qadar 

qiziqmaydigan  avstraliya  yoshlari  ko’p  hollarda  kollejlarga  o’qishga 

kiradilar.  Bu  ularga  tirikchilik  qilish  uchun  biror  mutaxassislikka  ega 

bo’lishga  imkon  beradigan  tez  (1,5-2  yilda),  nisbatan  arzon  (o’qish 

uchun  to’lanadigan  universitetlarnikidan  ancha  kam)  yo’l  hisoblanadi. 

Avstraliya kollejlarining afzalliklari birgina shu bilan cheklanmaydi. 

---

     Avstraliya  ta’lim  tizimida  faoliyat  ko’rsatadigan  TAFE  sektorining 

maqsadi – talabalarni turli sanoat va xizmat ko’rsatish sohalarida ishlash 

uchun  professional  kadrlarni  tayyorlashdan  iboratdir.  Mazkur  o’quv 

muassasalarida 

biznes, 

axborot 

texnologiyalari, 

mehmonxona 

menejmeti,  ish  yuritish,  qurilish  va  boshqa  soha  sirlarini  egallash 

mumkin  bo’ladi.  TAFE  sektori  bergan  hujjat  o’ziga  xos  darajaga  ega 

bo’lib,  u  bilim  yurti,  texnikumlar  diplomiga  tengdir.  Sertifikat  olish 

uchun  o’qish  o’rtacha  8  hafta,  diplom  olish  uchun  esa  1  yildan  2 

yilgacha  davom  etadi.  Shu  narsa  xarakterliki,  TAFE  kollejlari 

bitiruvchilari  bakalavr  darajasini  olish  istagida  bo’lsalar,  o’qishlarini 

universitetga ko’chirishlari mumkin. Bunda ularning kollejdagi bir yoki 

ikki  yillik  o’qishi  inobatga  olinadi  va  ular  universitetda  bir-ikki  yil 

kamroq o’qish imkoniyatiga ega bo’ladilar. 

     TAFE  kollejlarining  o’ziga  xos  tomoni  shudaki,  ularga  maktabni 

endigina  bitirgan  o’smir  yoshdagi  kishidan  tortib,  katta  yoshdagi, 

allaqachon  ish  faoliyatini  boshlagan  kishilar  ham  kirib  o’qishlari 

mumkin.  Avstraliya  TAFE  kollejlarining  o’ziga  xos  xususiyatlaridan 

yana  biri  shundaki,  ularda  bir  dasturdan  ikkinchisiga  o’tish  nazarda 

tutiladi.  Masalan,  o’quvchi  birinchi  darajali  sertifikat  beruvchi  dastur 

bo’yicha  o’qishga  kirdi,  deylik.  Lekin  mazkur  dastur  yakunlangach, 

ikkinchi,  so’ngra  uchinchi  darajali  sertifikat  beriluvchi  dasturni 

yakunlashi,  o’qishni  davom  ettirib,  diplom  olishi  va  keyingi  bosqich  – 

oliy diplom (advanced diploma) olib, universitetdagi bakalavrlik dasturi 

bo’yicha  o’qishga  kirishi  ham  mumkin.  Uning  yana  bir  xususiyati 

shundaki,  yuqorida  ko’rsatilgan  bosqichlarni  bosib  o’tib,  navbatdagi 

sertifikatni  olgandan  so’ng,  o’z  xohishiga  ko’ra  o’qishni  to’xtatishi 

---

mumkin.  Shunda  ham,  o’quvchining  qo’liga  ishga  kirish  imkonini 

beradigan hujjat beriladi.