Microsoft Word ihyo ulimdan sung ziyouz com doc

www.ziyouz.com kutubxonasi 

21

yu, xalokatining sababi - gunohlardan qaytmaydi, Alloh qaytargan ishlarni kilishda 

davom etaveradi. Shayton uning «panoh tilash»idan kuladi. Uning misoli, shundoq 

yonida mustahkam qal’a turib, qal’aga bekinmasdan, o‘zi tomon odimlayotgan vahshiy 

hayvonni kutib o‘tirgan kishiga o‘xshaydi. U uzoqdan yirtqichshshg yovuz, so‘yloq 

tishlarini, bahaybat gavdasini ko‘radi va tilida tinimsiz: mustaxkam qal’a meni panohiga 

oladi, qal’aning puxta qurilishi va pishiq ustunlari meni yirtqichdan qutqaradi, deya 

takrorlaydi. Bularni u faqat tilida aytadi-yu, amalda joyidan jilmaydi. Bu tarzda 

yirtqichdan «xalos bo‘lish» o‘ta kulguli emasmi?! 

Oxirat dahshatlaridan saqlovchi yagona qal’a «La ilaha illalloh»dir. Kimki bu kalimani 

aytar ekan, endi u ki-shining yagona maqsadi Alloh taolo va uning uchun endi Allohdan 

o‘zga ibodat qilinadigan zot yo‘q. 

Havoyi nafsini o‘ziga iloh qilib olganlarning «La ilaha illalloh» deganlari esa yolton, 

ularning ahvoli xatarli. 

Agar yuqorida aytilganlarni bajarishdan ojiz bo‘lsang, Allohning rasuliga mehr qo‘y, u 

zotning sunnatlarini ulug‘ bil, ummatlari ichidagi solih kishilarning hurmatini qozon, 

ularning duosi bilan baraka tol. Balki shunda Rasululloh sollallohu alayhi va sallamning 

yoki u zotning ummatlaridan bo‘lmish solih kishilarning shafoatiga noyil bo‘larsan, oxirat 

uchun yiqqan sarmoyang kam bo‘lsada, balki shafoat tufayli najot toparsan. 

 

 

Shafoat 

 

Bilgil, mo‘minlardan ba’zi toifalarning do‘zaxga kirishi haq. Albatta Alloh taolo bunday 

mo‘minlarga nisbatan payg‘ambarlar va siddiqlarning shafoatini qabul qiladi. Ummatning 

ulamosi va solih kishilari, umuman, Alloh taolo dargohida martaba va chiroyli 

muomalaga sazovor har bir banda o‘zining aqli, yaqinlari, do‘stlari, tanishlariga shafoat 

qilishi mumkin. 

Ey inson! Shafoat qilinishga munosib darajada bo‘lish ishtiyoqi aslo ko‘nglingni tark 

etmasin. Hech qachon hech kimni kamsitma. Chunki, Alloh taolo Uzining do‘stligini 

bandalari ichiga yashirgan. Sen qaydan bilasan, balki ko‘zda-ring nazarga ilmayotgan 

kishi Allohning do‘stidir?! 

Ey inson! Birorta gunohni kichik sanama.Chunki, Alloh taolo g‘azabini gunohlar ichiga 

yashirgan. Sen qaydan bilasan, balki Allohning g‘azabi sen arzimas deb bilgan o‘sha 

gunoh ichra yashirindir. 

Ey inson! Birorta ibodatni kichkina deb bilma. Chunki, Alloh taolo O’z roziligini toati 

ichiga yashirgan. Qaerdan bilasan, balki sen haqir sanayotgan ibodatda Allohning roziligi 

bordir. Mayli, u bir yaxshi so‘z yoki yaxshi niyat yoxud shunga o‘xshash ibodatlar bo‘lsin. 

Qur’oni karim va hadislarda shafoatning haqligi xususida dalillar ko‘p. Alloh taolo 

aytadi: