Microsoft Word экология лотин doc

3-§. Suv resurslaridan oqilona foydalanish va ularni muhofaza 
qilishda huquqni muhofaza qiluvchi 
 organlarning roli va vazifalari 
 
Suv  resurslaridan  oqilona  foydalanish  va  ularni  muhofaza  qilish 
ishida huquqni muhofaza qiluvchi organlarning roli ancha katta. Huquqni 
muhofaza  qiluvchi  organlar  «O‘zbekiston  Respublikasi  «Suv  va  suvdan 
foydalanish  to‘g‘risida»gi  qonuning  4-moddasida  ko‘rsatilgan  yagona 
davlat  suv  fondi:  daryolar,  ko‘llar,  suv  omborlari,  boshqa  yer  usti  suv 
havzalari va suv manbalari, kanal va hovuzlarning suvlari, yer osti suvlar 
va muzliklarni muhofaza qilish hamda mavjud suv resurslaridan oqilona 
foydalanishni ta’minlaydi. 
Huquqni  muhofaza  qiluvchi  organlardan  biri  bo‘lgan  prokuratura 
organlari  O‘zbekiston  Respublikasining  «Suv  va  suvdan  foydalanish 

---

 
115
to‘g‘risida»gi  qonunning  ijrosi  ustidan  nazoratni  amalga  oshiradi, 
ma’muriy  va  jinoiy  ishlarni  hamda  suv  resurslariga  yetkazilgan  zararni 
qoplash da’vosini qo‘zg‘atadi. 
Huquqni  muhofaza  qiluvchi  organlar  tizimidagi  ichki  ishlar  organ-
lari  O‘zbekiston  Respublikasining  «Suv  va  suvdan  foydalanish  to‘g‘ri-
sida»gi qonunining ijrosi ta’minlashda o‘z tarkibiga kiruvchi quyidagi: 
– qo‘riqlash xizmati;  
– profilaktika inspektorlari; 
– tergov bo‘limi; 
– jinoyat  qidiruv  bo‘limi  va  boshqa  xizmat  sohalari  huquqbuzar-
liklarning  oldini  olish  va  suvga  oid  qonunlar  ijrosini  ta’minlashda  o‘z 
vakolatlari doirasida ishtirok etadilar. 
 Masalan,  birgina  ichki  ishlar  organlari  tizimidagi  qo‘riqlash  xizmati 
mavjud davlat va alohida ahamiyatga ega bo‘lgan suv obyektlarini (masa-
lan, suv omborlari) qo‘riqlaydilar. Ichki ishlar organlarining mazkur qo‘riq-
lash funksiyasi tegishli shartnoma, o‘zaro kelishuv asosida ham olib borili-
shi  mumkin.  Shuningdek,  profilaktika  inspektorlari  ham  o‘z  hududlarida 
suv obyektlarini muhofaza etish, uni ifloslantirmaslik, sanitariya talablariga 
mosligi va boshqa masalalarga oid tadbirlarni ham olib boradilar. 
Umuman  olganda,  ichki  ishlar  organlarining  barcha  faoliyati 
«Tabiatni muhofaza qilish to‘g‘risida»gi qonunning 19-moddasiga, ya’ni 
«Suvlar va suv havzalaridan foydalanish shartlari»ga to‘la mos kelishi va 
amaldagi ekologik qonunlar asosida bajarilishi lozim. 
Xulosa  qilib  aytganda,  huquqni  muhofaza  qiluvchi  organlarning 
ekologik  qonunlar  ijrosini  ta’minlash  faoliyati  katta  ahamiyatga  ega 
bo‘lib,  ekologik  qonun  talablarini  bajarish,  tabiat  resurslaridan  oqilona 
foydalanish va ularni muhofaza qilishda yordam beradi. 
Zero, tabiatga, o‘simliklar dunyosiga noto‘g‘ri munosabatda bo‘lish-
ga  chek  qo‘yish,  tabiat  boyliklarini  muhofaza  qilish  va  ko‘paytirish 
nafaqat  huquqni  muhofaza  qiluvchi  organlarning,  balki  hammamizning 
asosiy burchimizdir.