Microsoft Word экология лотин doc

Gidrosfera  –  yer  sharining  suv  qatlami,  yer  yuzasidagi  suvlarning 
(okean, dengiz, ko‘l, daryo suvlarining) jami. 
Iqlim – biror joyning o‘ziga xos ob-havo sharoiti, tog‘ iqlimi, dengiz 
iqlimi. 
Ixota  –  atrofni  to‘sish,  o‘rash  va  shu  maqsadda  qilingan  to‘siqning 
o‘zi.  Ixota  daraxtlari  qattiq  shamol,  bo‘ron,  garmsel  va  shu  kabilardan 
saqlash maqsadida ekilgan daraxtlar. 
Kadastr  –  ma’lum  bir  tabiiy  xo‘jalik  yoki  boshqa  obyekt  muayyan 
turining geografik joylashuvi, huquqiy maqomi, miqdori, sifat tavsiflari va 
bahosi  to‘g‘risidagi  yangilanib  turiladigan  ma’lumotlar  va  hujjatlar  tizimi 
(Davlat  kadastrlari  to‘g‘risidagi  qonunning  3-moddasi).  Kadastr  tizimida 
ma’lum  bir  tabiiy  obyektlardan  huquqiy  foydalanish  haqidagi  tavsiya-
nomalar,  foydalanuvchilar  va  ifloslantiruvchilar  ro‘yxati,  ularni  qayta 
tiklash  choralari  haqida  takliflar  hamda  kelajakdagi  izlanishlar  va  boshqa 
shunga o‘xshash ma’lumotlar keltirilishi mumkin. 

---

 
220
  Landshaft  –  o‘zaro  ta’sir  etuvchi  tabiat  yoki  tabiiy  va  antropogen 
komponentlardan  hamda  pastroq  taksonomik  tabaqali  majmualardan 
tashkil  topgan  tabiiy  hududiy  majmua.  Landshaftning  o‘zgarishi  uning 
tashqi ta’sir ostida yoki ichki o‘zgarishi davomida yangi xususiyatlarga ega 
bo‘lishi  yoki  avvalgilarini  yo‘qotishi.  Tabiat  muhofazasiga  oid  adabiyot-
larda quyidagi tushunchalar zanjirida o‘rta mavqeni egallaydi: landshaftga 
bo‘lgan ta’sir – landshaftning o‘zgarishi – aholining xo‘jalik faoliyati yoki 
salomatligidagi  asoratlar.  Landshaft  chegaralari  bir-biriga  qo‘shni 
landshaftlarning  bo‘linish  yuzasi,  ularning  sifat  va  xususiyatlari  alma-
shinishi  hamda  landshaftni  boshqa  nolandshaft  tuzilmalardan  ajratgandek 
yuzaliklar  (masalan:  landshaft  tarkibiga  kirmaydigan  atmosfera  yoki 
litosfera  qatlamlari).  Landshaft  chegaralarini  aniqlab  olish  landshaftlarni 
xaritalashning muhim elementidir.