Microsoft Word dinda savol3 ziyouz com doc

Tahorat qanday olinadi? 

 

Savol: Yaqinda namoz boshladim. Har gal masjidda tahorat olayotganimda 

boshqalarning amalini ko‘rib, meniki komil bo‘lmayotganga o‘xshab 

tuyulaveradi. «Dinda savolim bor...» kitobi orqali tahoratning barcha tartib- 

qoidalarini batafsil tushuntirib berolmaysizlarmi? 

Javob:  Bajonidil. Eng avvalo, tahorat olish uchun suv yerdan kiyim-boshga 

sachramaydigan joy tanlash lozim. Zero, poklanish uchun tahorat qila turib kiyim-boshni 

bulg‘ab olish mantiqqa zid. Xalo va suv bilan tozalanadigan joyda tahorat qilish 

yaramaydi. Yuzni qiblaga qilib tahorat olish odobdandir. 

Tahorat olishni boshlashdan avval ikki qo‘l yenglarini tirsakdan o‘tkazib shimarib olish 

lozim. Niyat qilish va tasmiya («Bismillahir rohmanir rohim») aytish tahoratning 

sunnatlaridandir. Obdastadan tahorat qilinsa, obdasta chap qo‘l bilan ushlanadi. 

Avval qo‘llar oshig‘i bilan qo‘shib uch bor yuviladi va xilol qilinadi (ya’ni, barmoqlarni 

ort tomonlaridan bir-biriga kirgiziladi). So‘ngra og‘iz chayiladi. Bunda o‘ng qo‘l hovuchi 

bilan og‘izga suv olinadi va g‘arg‘ara qilib, tomoqqa yetkazilib og‘iz chayqaladi. 

Og‘izdagi suv tashlangach, tishlar misvok bilan tozalanadi. Misvok o‘ng qo‘l bilan 

ushlanadi. Boshbarmoq va jimjiloq uning ostidan, qolgan uch barmoq yuqorisidan tutadi. 

Avvalo o‘ng yuqori tishlarga uch bor, so‘ng o‘ng pastki tishlarga uch bor misvok 

ishqalanadi. Chap tomon tishlari ham shu tartibda misvok bilan tozalangach, til ustiga 

ham bir marta misvok 

tekkizib qo‘yiladi. Misvok bo‘lmasa, o‘ng qo‘lning bosh va ko‘rsatkich barmoqlari bilan 

tishlar aytilgan tartibda tozalanadi va til ustiga ko‘rsatkich barmoq tekkiziladi. Misvokdan 

so‘ng og‘iz yana g‘arg‘ara qilinib, tomoqqa yetkazilib ikki bor chayiladi. 

Keyin burun uch bor chayiladi. Bunda ham o‘ng qo‘l hovuchiga suv olinib, burunga, 

dimoqqa yetguncha tortiladi va chap qo‘l bilan qoqiladi. 

So‘ng yuz yuviladi. Co‘ng qo‘l hovuchi bilan peshonaning o‘ng tarafiga ohista suv 

quyilib (bunda ko‘zlarni yummaslik kerak), peshonaning soch ungan joyi, iyak osti va 

ikki quloq yumshoqlari oralig‘ida biror joyni qoldirmay, yuz uch bor yuviladi. Yuz 

yuvishda siyrak soqolli kishilar soqollarining ostiga suv yetkazishlari lozim. 

Yuz uch bor yuvilgach, qo‘llar yangidan namlanib, soqoli borlar soqoliga ikki qo‘l bilan 

mash tortadilar va xilol qiladilar. Ya’ni, soqol ikki qo‘l bilan quloqlar oldidan boshlab 

uchigacha siypalanadi va chap qo‘l bilan tutamlab, o‘ng qo‘l barmoqlari bilan, kafti 

soqolga qilinib, tagidan bir bor taraladi. 

So‘ng qo‘llarni tirsak bilan yuvishga o‘tiladi. Avval o‘ng qo‘l tirsagigacha yaxshilab 

ishqalanadi. Bundan o‘ng hovuchga suv to‘ldirilib tirsakka oqiziladi va chap kaft bilan 

ishqalanadi. Chap qo‘l ham bilagu tirsaklari bilan shu ravishda uch bora yuviladi. 

Keyin boshga bir marta mash tortiladi. Boshga mash tortish uchun bosh kiyim 

olingach, ikki qo‘l kaft va barmoqlari yangidan namlanadi, ikki qo‘lning bosh va 

ko‘rsatkich barmoqlaridan o‘zga barmoqlari jipslashtirilib, o‘rta barmoqlaridan keyingi 

ikki kichik barmoqlari yonlari bilan bir-biriga tekkiziladi va boshning tepa qismi old 

tomonidan orqasiga qarab (kaftlarning jimjiloq tomonidan yarmi boshga tegib) 

bo‘yingacha siypalanadi. So‘ng kaftning boshga tegmagan qismi bilan boshning ikki yoni 

---

Dinda savolim bor. 3-kitob