Microsoft Word Conf-селекция rtf

“Тошкент-1” беда навининг тавсифномаси 
Беданинг Тошкент-1 нави Ўзбекистон Ғўза селекцияси ва уруғчилиги ИТИ олимлари Т.Г.Гриценко, 
Ф.С.Пархоменко, М.А.Бурнашевалар томонидан маҳаллий Мархамат ва Тошкент-3192 навларини кўп марталик 
чатиштириш йўли билан яратилган.
Medicago sativa L. авлодига мансуб. Тупи енгил ёйилувчан, пояси ўртача катталикда, яхши шохлайди. 
Барглари ўртача катталикда, узунчоқ-овалсимон, кам тукланган, оч яшил ва яшил рангда. Баргдорлиги яхши 50 % гача. 
Гул попуклари узунчоқ-цилиндрсимон, ўртача катталикда. Гулёнбаргалари бинафшаранг ва тўқ бинафшаранг. 
Дуккаклари ўртача катталикда, қўнғир ва тўқ қўнғир 2-4 бурамдан иборат. 
Нав юқори ҳосилдор, ўртапишар. Баҳорги вегетациядан биринчи ўримгача бўлган давр 50-55 кунни ташкил 
этади. Баҳорда ва ўримдан кейин яхши ўсиб чиқади, суғориладиган ерларда 3-5 ўрим ўриб олиш мумкин. Совуққа 
чидамлилиги яхши. 
2012 йилда 0,4 га майдонда беданинг биринчи йилги уруғлик кўчатзори ташкил этилди. Беданинг 
суперэлита уруғидан экиш 05.04.2012 куни 60 лик схемада амалга оширилди. Экилгандан кейин бегона ўтлардан 
тозалаш, қатор ораларини юмшатиш ишлари амалга оширилди. Кўчатзорда фенологик кузатув ишлари олиб борилди, 
айрим қимматли хўжалик белгилари таҳлил қилинди. Тошкент-1 беда нави навдорлик бўйича ўрганилганда 100 фоиз 
нав тозалигига эга эканлиги аниқланди. 
Беданинг кўк масса ҳосилига уни бўйининг баландлигига бевосита боғлиқдир. 1-жадвалда Тошкент-1 
беда навининг гуллаш бошланиш давридаги ўсимликлар бўйининг баландлиги бўйича маълумотлар келтирилган. 
Дала диоганали бўйича 100 тажриба ўсимликлари ўрганилди.
Жадвал 1 
“Тошкент-1” беда навининг ўсимлик бўйи кўрсаткичлари 
k=5 см 
Беда нави 
60-
65 
66-
70 
71-
75 
76-
80 
81-
85 
86-
90 
n M±m δ V 
% 
Тошкент-1 
8
13
22
25
17
15
100 
76,7±0,7 7,4
9,6
1-жадвал маълумотларидан кўриниб турибди-ки, Тошкент-1 беда нави ўсимликлари бош поя баландлиги 
бўйича ўрганилганда, 60 см. дан 90 см. гача оралиқда ўсимликлар учраб, ўртача кўрсаткич 76,7 см. ни ташкил этди. 
Беда ўсимлигининг тўйимли бўлишига унинг баргдорлилик даражаси муҳим ўрин тутади, чунки беданинг 
баргларидаги оқсил миқдори поядагига нисбатан юқори бўлади. Биз танлаб олган ўсимликларнинг баргдорлигини 
пояга нисбатан фоиз ҳисобида аниқладик (2-жадвал). Бунга кўра Тошкент-1 беда навида баргдорлик ўртача 
кўрсаткичи 44,8 фоизни ташкил этди.

---

116