Microsoft Word Boymur\340tov tm

7.2. Somet dastgohining ko'p rangli pribori

Somet dastgohiga elektron ko'p rangli priborida ip ranglarini boshqarish kompyuter orqali amalga oshiriladi (7.5- rasm). Ranglar soni 4, 8, 12 xil bo'lishi mumkin. Dastgohda turli xil arqoq iplari bilan ta'minlash uchun dastur tuziladi.
7.5-rasm. Somet dastgohining elektron ko'p rangli pribori

Mexanizm 8 xil ipga mo'ljallangan bo'lib, turli xil arqoq iplaridan to'qima ishlab chiqarish imkoniyatiga ega. Arqoq ipi 1 ip uzatuvchi richag 2 ko'zchasidan

o'tkaziladi. Ip uzatuvchi richagning 2 yuqorigi qismi qarshisida ekstsentrik li tirgak 3 o'rnatilgan. Tirgak 3 qo'zg'almas o'qda bolt yordamida maxkamlangan. Tirgak 3 boltini bo'shatib, uning o'z o'qiga nisbatan o'ng va chap tomonlarga burib ip uzatuvchi richag 2 holati rostlanadi. Ikki elkali richag 4 ip uzatuvchi richag 2 va tortqi 5 bilan bog'langan. Richagning 4 ikkinchi elkasiga prujina 6 ta'sir etib turadi. Ikki elkali ilgakli richagda 7 rolik 8 o'rnatilgan bo'lib, uni egiluvchan richag 9 pastga bosib turadi. Ilgakli richag 7 qarshisida ikki elkali tishli richag 10 val ”O” o'qda erkin o'rnatilgan. Tishli richagning 10 ikkinchi elkasida kontakt 11 joylashgan bo'lib, uni prujina 12 yordamida pastga tortib turiladi va o'qga 13 maxkamlangan ekstsentrikli vtulkaning 14 yuqorigi qismiga ta'sir etib turadi. Ekstsentrikli vtulkalar 14 soni iplar ranglari soniga teng, ya'ni sakkiztadir. Bu vtulkalar o'qga 13 mahkamlanib, richagdagi kontakt 11 holatini elektromagnit (EM) kontaktiga nisbatan rostlash uchun xizmat qiladi. Valga “O” uch elkali richag 15 maxkamlangan bo'lib, uning o'ng elkasiga vtulkalar 14 joylashgan bo'lsa, chap tomonidagi ikkichi elkasiga esa roliklar 16 joylashtirilgan. Roliklarga 16 harakat valda 17 joylashgan ekstsentriklardan 18 uzatiladi. Valda 17 rolikka 8 vertikal yo'nalishda harakat beruvchi ekstsentrik 19 ham joylashgan.