Microsoft Word Boymur\340tov tm

Qattiq rapiralar yordamida arqoq tashlash

Arqoq ipini qattiq rapiralar yordamida tashlashning bir necha variantlari mavjud: butun taxtlash eni bo'ylab harakatlanuvchi bitta qattiq rapira yordamida, goh birinchi polotnoga, goh ikkinchi polotnoga 180⁰ intervalida harakat qiluvchi ikkita tutqich boshchaga ega bitta qattiq rapira yordamida (2 fazali dastgohda),

dastgohning ikki chetidan bir-biriga qarab harakat qiluvchi va homuza markazida arqoq ipini uchidan bir-biriga uzatuvchi ikki qattiq rapira yordamida (3.28-rasm), dastgohning ikki chetidan bir-biriga qarab harakat qiluvchi qo'shaloq rapiralar yordamida (biri ikkinchisining yuqorisida joylashgan 2 polotnoli dastgohda tukli va silliq to'qimalar ishlab chiqarish uchun) arqoq ipini tashlovchi dastgohlar shular jumlasidandir.

3.28-rasm. Qattiq rapirali arqoq tashlash sistemasi Germaniyaning «Dornier» firmasi ko'p yillardan beri ikki tomondan hara-

katlanuvchi qattiq rapirali dastgohlarni ishlab chiqaradi (3.29-rasm). Bunda arqoq ipi ochiq homuzada tashlanadi. Boshqariladigan rapiralarning yuritmasi qo'shaloq kulachoklardan harakatlanadi. Dastgoh paxta, jun, kimyoviy tola; elementar va metall iplardan shisha tola, sim, asbest, uglerod tolali iplardan mebelbop, dekora- tiv, kiyimbop, astarbop, texnik, parashyut va boshqa to'qimalarni ishlab chiqarish uchun mo'ljallangan.

3.29-rasm. Dornier qattiq rapirali to'quv dastgohi

Firma ishlari dastgohlarning unumdorligi va ishonchliligi, tanda va arqoq bo'yicha uzilishlarni bartarab etishda to'xtash vaqtini kamaytirishga qaratilgan. Bundan tashqari firma halqa tukli to'qimalar uchun dastgohlarni ishlab chiqaradi.
Qattiq rapirali to'quv dastgohlari boshqa dastgohlarga nisbatan katta joy egallashi, uning kamchiliklaridan biri deb baholanadi.