Microsoft Word Boymur\340tov tm

Ikki faza rapirali

Ikki fazali to'quv dastgohlari juda kam tarqalgan bo'lib, dastgoh ishchi eni 185x2sm va 220x2 sm, tezligi 1200 m/min, shodalar soni 14 tagacha bo'lgan
«Saurer-500» dastgohiga shunday turdagi arqoq tashlash mexanizmi o'rnatilgan. Dastgohda ikkita polotnoda ikki xil zichlikli tukima olish mumkin. Bosh valning 360⁰ da ikkita arqoq ipi xomuga tashlanadi.
Saurer» firmasining ikki fazali «Saurer-500» dastgohida arqoq ipi ikkita tutqich boshchasiga ega bo'lgan bitta qattiq rapira yordamida tashlanadi (3.24- rasm). Rapira perforirlangan naycha shaklida bo'lib, sintetik materialdan tayyor- langan; rapira boshchasi titan va alyuminiy qotishmasidan tayyorlangan. Rapira og'irligi - 150 g. Uning yuritmasi tishli g'ildirakdan hosil bo'lgan. Rapiralarning si- nusoidal harakati tufayli arqoq ipi ravon tezlashadi. Arqoq ipi markazda joylashgan romlarga o'rnatilgan bo'lib, goh chap, goh o'ng polotnoga markazdan tashlanadi, ya'ni ikki fazada.
«Saurer 500» dastgohida homuzaga arqoq ipi quyidagicha tashlanadi. Bobina 1 lardan chuvalayotgan arqoq ip 5 ta'minlovchi voronka va tormozdan o'tib uzluksiz aylanib turgan ta'minlovchi roliklarga 2 keltiriladi (3.24a-rasm). Havo jamlagich 3 arqoq ipini qabul qilib, halqa shaklida jamlaydi. Rapirani to'xtash davrida ip tarangligini rostlash uchun tormoz 4 xizmat qiladi. Arqoq qay-
targich 6 rapiraga ipni uzatib uni tarangligini ko'paytirmasdan arqoq jamlagichdan tortib olib, ip harakatida homuzaga tashlab o'tadi. Homuzaga arqoq tashlash tugal- lanishida siquvchi rolik ta'minlovchi rolikdan qochib, arqoq uzatish to'xtaydi. Bu paytda arqoq jamlagichdagi zahira arqoq ipi tamom bo'lib, rapira tezligi ta'minlovchi rolikni aylanish tezligiga teng bo'ladi. Rapirani qolgan harakatida kerakli uzunlikdagi arqoq ipini bevosita bobinadan rapirani o'zi tortib oladi. Rapira chap tomondagi «o'lik» nuqtaga kelganda tutgich 7 arqoq ipini uchini o'zi bilan olib ketadi.

3.24-rasm. Ikki fazali arqoq tashlash
Shu paytda rapira qisqichlari ochilib chang yutgich vositasida tozalanadi. Shundan keyin rapira o'ng tomonga harakatlanib, o'ng qisqichlari bilan, o'ng tomonda o'rnatilgan bobinadan kelayotgan arqoq ipini o'ng homuzaga tashlaydi. Rapira chap homuzadan chiqishi bilan homuzaga tashlangan arqoq tig' 8 yordamida to'qima qirg'og'iga jipslanadi. Tig' 8 bilan bir paytda arqoq tutgich 7 ham harakatda bo'lib, milk qisqichiga 9 ip uchini uzatadi, shundan keyin qaychi arqoq ipini qirqadi.Natijada to'qimada qaytarma milk shakllanadi. O'ng polotnoga arqoq yuqoridagi tartibda faqat 180ga siljigan holatda arqoq tashlanadi. Natijada bu to'quv dastgohi bosh valini bir marta aylanishida ikkita arqoq ipi ikkita
homuzaga tashlanib, dastgohning nazariy unumdorligini ikki marta oshiradi. Shuningdek, bu usulda arqoq tashlashning yana qator afzalliklari mavjud: ta'minlovchi bobinadan arqoq ipini chuvash tezligi 1 fazali to'quv dastgohlariga nisbatan ikki marotaba kam; bobinadan ip pnevmatik arqoq jamlagich hisobiga uzluksiz chuvaladi; arqoq tashlash tezligi ancha yuqori. Undan tashqari dastgohda hosil bo'ladigan homuza balandligi katta bo'lmaganligi tig' harakat yo'lini kamaytirishga imkon yaratadi, bu esa tanda iplarini ishqalanish kuchini ta'sirini kamayishiga olib keladi.

2.