Microsoft Word Bolalar nevrologiyasi end doc

Davolash
.
Birinchi navbatda etiologik sababni aniqlab shunga qarshi 
davolash muolajalarini o‘tkazish lozim. Agar kasallik sababi yallig‘lanish 
natijasida bo‘lsa, antibiotiklar, salitsilatlar, sulfanilamid dorilari berish kerak.
Intoksikatsiya sababli bo‘lsa dezintoksikatsiya dorilari beriladi. Modda almashuvi 
buzilishi natijasida kasallik kelib chiqqan bo‘lsa diyeta, urodon, atofon, 
umurtqalardagi o‘zgarish natijasida bo‘lsa, rumalon, ortofen, delagiya dorilari 
tavsiya etiladi.
Kasallikni og‘ir davrida, asab tolalarini shishishini qaytarish uchun 
degidratatsiya qiluvchi /laziks, magneziy sulfat va boshqa/ dorilar beriladi. 
Og‘riqni qoldiruvchi analgetiklardan analgin, antipirin, baralgin, reoprin, tramal, 
diklonat va boshqalar inyeksiya qilinadi. 0,5-1% novokain 10 ml venaga 
yuboriladi, hamda novokain, gidrokortizon, vitamin V
12
, analgin qo‘shib 
paravertebral, intrasakral, paranefral blokadalar qilinadi. Shular bilan bir qatorda 
biogen stimulyatorlardan: shishasimon tana, aloe, gumizol, fibs va boshqalar, 
vitamin V guruhi dorilari, antixolinesteraz preparatlar /prozerin, galantamin, 
dibazol, oksazil/ tavsiya etiladi.
Radikulopatiyalarni davolashda 7-10 kundan keyin fizioterapevtik 
muolajalar (parafin, ozokerit, galvanizatsiya, diotermiya, ultrazvuk, Bernar toki, 
dorili vannalar, massaj) va igna bilan davolash katta o‘rin oladi.
Agar radikulopatiyani sababi umurtqalararo disk churrasi natjasida bo‘lsa, 
ildizlarni ezilishini kamaytirish maqsadida tanani tortish bilan davolash, ba’zida 
lyumbal punktsiya qilish tavsiya etiladi, kerak bo‘lsa jarrohlik muolajalar 
yordamida davolanadi. Shular bilan bir qatorda dam olish uylarida tabiiy 
muolajalar tavsiya etiladi, organizmni chiniqtirish, gigiyenik gimnastika qilish, 
og‘ir jismoniy kuch talab qilinadigan ishlarni qilmaslik maqsadga muvofiqdir.