Microsoft Word bankir ziyouz com doc

www.ziyouz.com kutubxonasi 
18
— Aftidan, men o‘z fikrimni aniq ifodalamadim, shekilli. U mening eski do‘stlarimdan biri. 
Palmer yuzini burishtirdi:  
— Ha, bu og‘ir. 
— Juda ham. 
Uylar ortiga o‘tib, ko‘zdan g‘oyib bo‘lgan tanker izidan qararkan, Palmer so‘radi: 
— Nima qilmoqchisiz? 
— Hech nima, — dedi Berkxardt nihoyat. — Bularning hammasini yangi vitse-prezidentim yelkasiga 
ortmoqchiman. 
— Tashakkur.  
— Bundan tashqari, — davom etdi qariya kutilmaganda ishonchli ohangda, — mana shu omonat 
banklari g‘alvasini sizga yuklamoqchiman. 
— Sizning yo‘riqlaringiz? 
— Men ularning hammasini yer yuzidan supurib tashlanishini istayman. 
Palmer derazadan o‘girilib, qariyaga qaradi. 
Bor-yo‘g‘i bir nechtagina so‘z shu tongga burilish bag‘ishladi, ikkalovi o‘rtasidagi o‘zaro 
munosabatlarga ham shunchalik kutilmagan aniqlik kiritdi. 
— Qachon boshlash kerak? 
Berkxardt panel qoplangan devorga yaqinlashdi, devordagi javon eshikchalari surildi, qariya u 
yerdan shlyapasini olib, chaqqongina boshiga qo‘ndirdi. 
— Nimani kutamiz? — dedi u. — Qani, yur-chi, ularni tugatishda sizga yordam bera oladigan epchil 
makkor bilan uchrashib ko‘raylik.