Microsoft Word ахборот технологиялар фанидан мажмуа doc

Хабарлар тили – бу фойдаланувчи дисплей экранида кўрадиган нарсалар (белгилар, 
графика, ранг), принтерда олинган маълумотлар, товушли чиқиш сигналлари ва ҳоказолардан 
иборатдир. Фойдаланувчи ва тизим ўртасидаги мулоқот учун танланган шакл интерфейс 
самарадорлигининг муҳим ўлчовидир. Ҳозирги вақтда мулоқотнинг қуйидаги шакллари энг 
кенг тарқалган: сўров-жавоб режими, буйруқ режими, меню режими, қолдирилган жойларни 
ифодалар билан тўлдиришнинг компьютер томонидан таклиф этиладиган режими. Ҳар бир 
шакл қўйилган вазифа тури, фойдаланувчи ва қабул қилинадиган қарорнинг ўзига хос 
хусусиятларига боғлиқ ҳолда ўз камчиликлари ҳамда афзалликларига эга бўлиши мумкин.
Узоқ вақтгача хабарлар тилининг ягона шакли босма ёки дисплей экранига чиқарилган ҳисобот 
ёки хабардан иборат бўлиб келган. Энди чиқиш маълумотларини тақдим этишнинг янги 
имконияти пайдо бўлди – у ҳам бўлса машина графикаси. У экранда ва қоғозда уч ўлчовли 
шаклда рангли график тасвирлар ҳосил қилиш имкониятини беради. Чиқиш маълумотларининг 
кўргазмалилиги ва талқин қилинишини оширадиган машина графикасидан фойдаланиш 
қарорлар қабул қилишни қўллаб-қувватлаш ахборот технологияларида борган сари оммалашиб 
бормоқда 
Фойдаланувчининг билимлари – бу фойдаланувчи тизим билан ишлаётганида билиши 
зарур бўлган нарсалар. Уларга нафақат фойдаланувчининг бошидаги ҳаракатлар режаси, балки 
компьютер томонидан бериладиган дарсликлар, йўриқномалар, маълумотлар ҳам киради. 
Қарорлар қабул қилишни қўллаб-қувватлаш тизими интерфейсини такомиллаштириш юқорида 
кўрсатилган учта компонентнинг ҳар бирини ривожлантиришдаги муваффақиятлар билан 
белгиланади. Интерфейс қуйидаги имкониятларга эга бўлиши керак:
 қарорлар қабул қилиш жараёнида фойдаланувчининг танлови бўйича мулоқот 
шаклларини ўзгартириб, уларнинг турли шаклларини қўлланиш; 
 маълумотларни тизимга турли усуллар билан узатиш; 
 тизимнинг турли қурилмаларидан турли форматда маълумотларни олиш; 
 фойдаланувчининг билимларини усталик билан қўллаб-қувватлаб туриш (сўров 
бўйича ёрдам кўрсатиш, айтиб туриш).