Microsoft Word 05 Kishlok xujalik mahsulotlar sifati va marketingi

Qovoq.  Qovoqlar  ishlatish  maqsadiga  qarab  oshxonabop  va  yemish  uchun  yetishtiriladigan 
turlariga boʻlinadi. Oshxonabop qovoqlar tarkibida qand (4,5 %), oqsil (1 %), mineral moddalar (0,6-
0,8 %), karotin, S vitamini va pektin moddalari boʻladi. Qovoqlar qayta ishlash uchun juda yaxshi 
xom ashyo hisoblanadi. Ulardan boʻtqa, kotlet, shinni, pastila, qiyom va boshqa mahsulotlar olishda 
foydalaniladi.  Oʻzbekistonda  ekiladigan  navlariga  Ispanskaya  73,  Polov  kadi,  Qashqar  qovoq, 
Mozolevskaya 10, Vitaminnaya kabi navlarini kiritish mumkin. 
Isteʻmolga moʻljallangan qovoqlar GOST 7975-68 standarti talabiga javob berishi kerak. Bu 
standart talabi boʻyicha qovoqlar yangi, pishib yetilgan, butun, sogʻlom, toza, kasallanmagan, shakli 
va rangi boʻyicha aynan shu botanik navga xos, boldoqli yoki boldoqsiz boʻlishi mumkin. 
Qovoqlar massasida shakli boʻyicha malum darajada farq qiladigan qovoqlar boʻlishiga  yoʻl 
qoʻyilsada, ammo ular badburush boʻlmasligi lozim. 
Qovun  va  tarvuzlardagi  singari  qovoq  uchun  ham  harakterli  koʻrsatkichlardan  biri  ularning 
koʻndalang kesimining diametri hisoblanadi. Bu koʻrsatkich uzunchoq shakldagi qovoqlarda 12 sm 
dan, dumaloq va yapasqi shaklidagi qovoqlarda esa 15 sm dan kam boʻlmasligi kerak. Shuningdek, 
mazkur  standartda  pachaqlangan,  ezilgan,  yorilgan  qovoqlar  sotishga  ruxsat  etilmasligi  koʻrsatib 
oʻtilgan. 
 

---

4. Kartoshka, mevalar va sabzavotlarga standartlarni tuzilishi va texnik talablar boʻlimida