Microsoft Word 05 Kishlok xujalik mahsulotlar sifati va marketingi

3-chizma. Marketing kommunikatsiyalari kompleksi 
Shaxsiy sotuv marketing kommunikatsiyalari kompleksida asosiy vositalardan hisoblanadi. 
Chizma  ma’lumotlaridan  ko‘rinib  turibdiki,  marketing  kommunikatsiyalari  asosiy,  yordamchi  va 
qo‘shimchalarga bo‘linadi. Asosiy marketing kommunikatsiyalari kompleksi maqsadli auditoriyaga 
mo‘ljallangan bo‘ladi. 
Shaxsiy  sotuvda  sotuvchi  korxona  va  iste’molchi  o‘rtasidagi  asosiy  vositachi  bo‘lib, 
korxonaning  kommunikatsiya  va  sotish  siyosatini  amalga  oshiruvchi  asosiy  kuch  hisoblanadi.  Bu 
yerda asosiysi sotuvchi sifat haqidagi axborotga, iste’molchilarning e’tirozlari, qandaydir tovardan 
nima uchun foydalanayotganligi yoki foydalanmayotganligi haqida axborotga ega bo‘lishi. Bunday 
axborotlar  korxonaning  tovar  va  siljitish  siyosati  maqsadidan  kelib  chiqqan  holda  shakllanadi. 
Sotuvchi shuningdek korxona strukturasi haqida, uning maqsadlari, umumiy korxonaning xarajatlar 
strukturasi,  mijozlarni  qanday  boshqarish  to‘g‘risida  axborotga  ega  bo‘lishi  kerak.  Sotuvchining 
malakasi: uning tovarni ishlab chiqarish texnologiyasidan to qadoqlanishigacha, psixologik bilimi, 
korxonaning maqsadli segmentining ijtimoiy-iqtisodiy tavsifini bilish, sotuv bosqichlarining tavsifini 
bilishi bilan aniqlanadi.