Microsoft Word 05 Kishlok xujalik mahsulotlar sifati va marketingi

Qoʻllab-quvvatlovchi  marketing  toʻliq  talabning  mavjudligini  xarakterlaydi,  yaʻni  bunda 
tovar  va  xizmatlarga  talabning  darajasi  va  tarkibi  taklifning  darajasi  va  tarkibi  toʻla  mos  keladi. 
Bunday  marketing  turining  vazifasi  boʻlib,  odatda,  toʻlaqonli  talab  sharoitida  uning  darajasini 
isteʻmolchilarning  istaklari  tizimi  va  raqobatning  kuchayishini  hisobga  olgan  holda  saqlab  turish 
hisoblanadi.  Bu  yerda  marketolog  birinchi  navbatda  savodli  narx  siyosatini  oʻtkazishi,  sotishning 
zaruriy hajmini saqlab turishi,  sotish faoliyatini ragʻbatlantirish va oʻzgaruvchan xarajatlar ustidan 
nazoratni  amalga  oshirish  bilan  bogʻliq  boʻlgan  bir  qator  taktik  tadbirlarga  eʻtibor  berishi  kerak. 
Toʻlaqonli marketingga eng yaxshi misol «Djeneral motors» kompaniyasining faoliyati bilan bogʻliq. 
20—yillar oʻrtalarida kompaniya «Ford» kompaniyasini orqada qoldirishga muvaffaq boʻldi. Ushbu 
kompaniya  oʻrta  amerikalik  uchun  narxlari  past  boʻlgan,  bir  xil  qora  ranga  boʻyalgan  «T»  ford 
modeliga oʻzining zamonaviy, keng rang gammasida ishlab chiqilgan avtomobil modelini qarama-
qarshi qoʻydi. 
Demarketing haddan tashqari katta talab sharoitida, yaʻni tovar yoki xizmatga boʻlgan talab 
taklifdan ancha katta boʻlgan holda qoʻllanadi. Uning vazifasi boʻlib salbiy bozor hodisalari, masalan, 
chayqovchilikni yoʻqotish maqsadida talabni vaqtinchalik yoki doimiy pasaytirish usullarini topish 
hisoblanadi.  Haddan  tashqari  talabni  pasaytirish  tovar  yoki  xizmatlar  narxlarini  oshirish,  reklama 
kampaniyasini va sotilishlarni ragʻbatlantirishni toʻxtatish orqali hal qilinishi mumkin. 

---