Microsoft Word 04 Kishlok xujaligida investitsion jarayonlar

Nazorat savollari: 
1.
Investitsiyaviy loyihalarni ishlab chiqish uchun zararsizlik 
tahlilining zarurligini asoslab bering. 
2.
Investitsiyaviy loyiha samaradorligining zaruriy va yetarli shartlari
nisbatini qanday tushunasiz va zararsizlik tahlilining ushbu nisbatdagi roli qanday? 
3.
Kiritilgan daromad nima? 
4.
Kiritilgan daromad asosidagi foyda to’g`risidagi hisobot shaklini
va uning an'anaviy shakldan farqini izohlab bering. 
5.
«xarajatlar-hajm-foyda» tahlilining (CVP-tahlil) mohiyati nimada? 
24. INVESTITSIYAVIY LOYIHALASHTIRISHNING MOLIYAVIY - MATEMATIK 
ASOSLARI. 
 
Tayanch iboralar: pul qiymati, qiymatni orttirish, diskontlash, foizlar nazariyasi, murakkab 
foizlar, inflyatsiya, foiz stavkasi, pul oqimlari, annuitet. 
 Pullarning vaqt oralig`idagi qiymati konsepsiyasi 
Pullarning vaqt oralig`idagi qiymati konsepsiyasi quyidagi asosiy tamoyilga asoslangan: Hozirgi 
kundagi bir so’mning qiymati, kelajakda olinadigan bir so’m qiymatidan
 
katta, chunki u investitsiya 
sifatida kiritilishi va qo’shimcha foyda olib kelishi mumkin. Investitsiyaviy loyihalar iqtisodiy 
samaradorligini baholash aynan ushbu tamoyilga asoslangan. 
Bu tamoyil pullarni vaqt oralig`idagi qiymati konsepsiyasini yuzaga keltiradi. Konsepsiyasining 
asosiy mazmuni shundaki, pullarning qiymati vaqt o’tishi bilan, pul va qimmatli qog`ozlar 
bozorlaridagi daromadlilik me'yorini hisobga olgan holda o’zgarib turadi.
 
Daromadlilik me'yori 

---

171 
sifatida ssuda foizi me'yori yoki oddiy va imtiyozli aksiyalar bo’yicha dividendlar to’lash me'yori 
qabul qilinadi. 
Investitsiyalash odatda uzoq muddatli jarayon ekanligini hisobga oladigan bo’lsak, 
investitsiyaviy amaliyotda, odatda, investitsiyalash jarayonining boshidagi pullar qiymati, kelajakdagi 
foyda ko’rinishidagi, qaytarilishi lozim bo’lgan pullar qiymati bilan taqqoslanadi. Pul mablag`larini 
kiritish va qaytarishdagi qiymatlarini taqqoslash jarayonida ikkita asosiy tushuncha qo’llaniladi: