Microsoft power point programmasi reje: Power Point programması haqqında qisqаshа mag’lıwmat

Jaratılg’an prezentaciyadan shıg’ıp ketiw ushın Файл vkladkasının’ Выход buyrıg’ı tan’lanadı yamasa ekrannın’ on’ ta’repindegi tu’ymesi basıladı.

Prezentaciya jaratıwda to’mendegi rejimlerden paydalanıwg’a boladı.

A’piwayı rejim. A’piwayı rejim redaktorlawdın’ en’ a’hmiyetli ko’rinislerinen biri bolıp esaplanadı, bunda prezentaciyanı jaratıwg’a ha’m bezewge boladı.

18- su’wret. A’piwayı rejim

Slaydlardı sortirovka etiw rejimi. Slaydlardı sortirovka etiw rejimi slaydlardı eskiz ko’rinisinde ko’riw imkaniyatın beredi. Bul rejimde ja’ne bo’limlerdi kiritiwge boladı ha’m slaydlardı ha’r qıylı kategoriyalarg’a ha’m bo’limlerge ajırıtıwg’a boladı.

Esletpe beti rejimi. Esletpeler oblastı slaydlar oblastının’ to’meninde jaylasadı. Bul jerde ashılıp turg’an slayd ushın esletpelerdi kiritiwge boladı.

U’lgiler rejimi. U’lgiler rejimi “Slayd”, “Jetkerip beriw” ha’m “Eskertiw” tu’siniklerin o’z ishine aladı. Olar tiykarg’I slaydlar bolıp, prezentaciyanın’ fonın, ren’in, shriftin, effektin, razmerin ha’m basqada mag’lıwmatların o’z ishinde saqlaydı.

Slaydlardı ko’rsetiw rejimi. Prezentaciyanı auditoriyada ko’rsetken waqıtta Показ слайдов rejimin paydalang’an maqul. Bul rejimde su’wretlerdin’, waqıt inlervalların, filmlerdi, animaciyalıq effektlerdi ko’riwge boladı. Bul rejimnen shıg’ıp ketiw ushın ESC tu’ymesin basıw jetkilikli.

Doklad etiw rejimi. Doklad etiw rejimi Rejim Показ слайдов ushın tiykarg’I rejim bolıp esaplanadı.

Oqıw rejimi. Oqıw rejimin prezentaciyanı auditoriyag’a emes, al basqa kompyuterlerge ko’rsetiw ushın paydalanıwg’a boladı.

Aldın ala ko’riw rejimi. Bul rejimde baspag’a shıg’arıw elementlerinin’ parametrlerin beriwge boladı.

Slaydlardı o’shiriw ushin o’shiriliwi kerek bolg’an slaydtı belgilen’ ha’m delete tu’ymesin basın’.