Mg LI raxitning kelib chiqish kasalliklari

Mg li raxitning kelib chiqish kasalliklari
Mg (magniy) 2-guruhning bosh guruhchasi elementidir. Magniy tashqi elektron qavatida ikkita s-elektron bor va shuning uchun s-elementlar oilasiga kiradi.
Kimyoviy belgisi Mg
Nisbiy atom massasi 24,305
Tartib raqami,yadro zaryadi 12
Zichligi 1738 m3
Tabiatda tarqalishi. Magniy tabiatda keng tarqalgan elementlardan biridir. Yer qobig’ida magniy 3,35 % ni tashkil etadi. Ko’p minerallar: Magnezit MgCO3, dolomit CaCO3 MgCO3 tabjiy manbalari hisoblanadi. Magniy elementini 1755-yilda angliyalik olim J.Blek kashf etgan.
Magniy ionlari 15 dan ortiq fermentni faollaydi. Bu element ATF ni AMF ga o’tishida qatnashadi. Mg organizmga antiseptik va qon tomirlarni kengaytiruvchi ta’sir etadi, qon bosimini kamaytiradi, o’simliklarda xlorofill tarkibining 2 % ini tashkil etadi.
Magniy ionlari ribosomalar tarkibiga kirib, ularda oqsil molekulasini bog’lovchi ko’prikcha vazifasini bajaradi. Magniyning zarur miqdorini organizm meva va sabzavotlardan oladi. Mg asosan
o’rik, shaftoli, gulkaram, karam, kartoshka, pomidor tarkibida bo’ladi. Oziq ovqatlardagi magniy ionining faqatgina 40 % ini organizm o’zlashtiradi. O’zlashtirilgan magniy ionlari jigarda to’planadi, keyin mushak va suyaklarga o’tadi. U uglevodlar almashinuvini yaxshilaydi, suyaklarda Ca bilan birga muhim element hisoblanadi. Kalsiy-magniyli muvozanat buzilganda barcha magniy suyak va mushaklarga o’tib Ca ni siqib chiqaradi va magniyli raxit kasalligi kelib chiqadi. Magniy miya faoliyatida katta ahamiyatga ega. Bu ion ta’sirida nerv impulslarini o’tkazish jarayonlari, mushaklar qisqaruvi kuzatiladi.