Метрология, стандартлаштириш ва сифатни бошқариш

3-масала
Халқаро миқѐсда метрология соҳасида қонунлаштирувчи халқаро ташкилот ҳам мавжуддир. Уни қисқартирилган ҳолда МОЗМ (Межданародная организация законадательной метрологии) деб аталади. Бу ташкилотнинг асосий мақсади - давлат метрологик хизматларни ва бошқа миллий муассасаларнинг фаолиятларини халқаро миқѐсда мувофиқлаштиришдир.
МОЗМ фаолиятининг асосий йўналишлари қуйидагилардан иборат:
-МОЗМга аъзо бўлган мамлакатлар учун ўлчаш воситаларининг услубий меъѐрий метрологик тавсифларининг бирлилигини белгилаш;
-қиѐслаш ускуналарини, солиштириш усулларини, эталонларни текшириш ва аттестатлашини, намунавий ва ишчи ўлчаш асбобларини уйғунлаштириш;
-халқаро кўламда бирхиллаштирилган ўлчаш бирликларини мамлакатларда қўлланишини таъминлаш;
-метрологик хизматларнинг энг қулай шаклларини ишлаб чиқиш ва уларни жорий этиш бўйича давлат кўрсатмаларининг бирлилигини таъминлаш;
-ривожланаѐтган мамлакатларда метрологик ишларни таъмин этиш ва уларни зарур техник воситалари билан таъминлашда илмий-техникавий ѐрдамлашиш;
-метрология соҳасида турли даражаларда кадрлар тайѐрлашнинг ягона қонунқоидаларини белгилаш.
МОЗМнинг Олий раҳбар идораси метрологиядан қонун чиқарувчи Халқаро конференцияси ҳисобланиб, у ҳар тўрт йилда бир марта чақирилади. Конференция ташкилотнинг мақсад ва вазифаларини белгилайди, ишчи идораларининг маърузаларини тасдиқлайди, бюджет масалаларини муҳокама қилади.
МОЗМнинг расмий тили - француз тилидир.
Сифатни назорат қилиш Европа ташкилоти ЕОКК (Европейская организация по контролю качества) бўлиб, унинг биринчи конференцияси 1957 йилда чақирилган ва уни низоми ҳам тасдиқланди. 1998 йилнинг 1 июлида ьошлаб ўз низомини ўзгартириб, хозирда сифат бўйича Европа ташкилоти (ЕОК) деб аталади.ЕОК таркибида 26-та тўлиқ ҳуқуқли аъзолари, 12- та жамоа мухбир аъзолари ҳамда 37 та алоҳида мухбир аъзолари ва 10 та фахрий аъзолари бор
ЕОК нинг расмий иш юритиш тили – ингилиз ва француз тилларидир. Бу ташкилотнинг ўзининг илмий техникавий журнали Кволитига эга, журнал йилига 4 марта чоп этилади.