Metodik tavsiya

Tarbiyaviy maqsad: Vodorod elementining tabiatda va inson hayotidagi
ahamiyatini tushuntirish bilan o`quvchilarda tabiat,
ona-Vatan va yurtga sadoqat g`oyalarini singdirish.
Rivojlantiruvchi maqsad: O`quvchilarning kimyoviy savodxonligini
oshirish, mustaqil fikrlash va shu asosida ishlashga
o`rgatish,fanga nisbatan qiziqishlarini uyg`otish.
Dars usuli: ”Tanishtiruv”,” Aqliy hujum”,” Qiziqarli tajriba”, “Qo`lni ko`tar”,
“Meni tanib ol”,”Kim o`zar”,”Sen o`yla men topaman”.
Darsning jixozi: Davriy sistema, videoproektlar, rux metali, xlorid kislota,
probirkalar, shtativ, quruq yoqilg`i.
Dars usuli: interfaol

TEXNOLOGIK BOSQICHLAR	O‘QITUVCHINING FAOLIYATI	O‘QUVCHINING FAOLIYATI
I bosqich Tashkiliy qism 3 daqiqa	Salomlashadi, o‘quvchilarning darsga tayyorgarligini, davomatni aniqlaydi, o‘quvchilar diqqati va e’tiborini darsga to‘la jalb etadi, darsda amal qiladigan qoidalarni eslatadi, o‘quvchilarda darsga qiziqish uyg‘otadi, faollashtiradi, o‘quvchilarni dars mavzusi maqsadi va darsning borishi bilan tanishtiradi	Dars mavzusi, maqsadi, borishi va unda bajariladigan topshiriqlarni anglaydi. Topshiriqlarning didaktik maqsadi, bajariladigan o‘quv topshiriqlari yuzasidan ko‘rsatmalarni anglaydi. O‘z o‘quv faoliyatini tashkil etadi
II bosqich O‘tilgan mavzu yuzasidan o‘quvchilarning bilimlarini nazorat qilish va baholash 10 daqiqa	O‘tilgan mavzu yuzasidan topshiriqlar yordamida o‘quvchilar bilimini nazorat qiladi va baholaydi.	O‘tilgan mavzu yuzasidan topshiriqlarni bajaradi.
III bosqich O‘quvchilarning bilish faoliyatini tashkil etish 5 daqiqa	Modul dasturining didaktik maqsadi, modullarning xususiy didaktik maqsadlari, bajariladigan o‘quv topshiriqlari bilan tanishtiriladi. Mazkur mavzu mazmunini 2ta tugallangan mantiqiy mazmunga ega modul (blok yoki qism)ga ajratish mumkin. Masalan: 1.Vodorod oddiy modda sifatida. 2. Vodorodning xossalari.	Modul dasturining didaktik maqsadi, modullar, ularning xususiy didaktik maqsadlari, bajariladigan o‘quv topshiriqlari yuzasidan ko‘rsatmalarni anglaydi.
IV bosqich Yangi mavzuni o‘rganish 15 daqiqa	O‘quvchilarning kichik guruhlarda mustaqil ishini tashkil etadi, topshiriqlarini mustaqil ishlashini ta’minlaydi. Har bir modul yakunida o‘quvchilar bilan savol javob o‘tkazadi. Tegishli hollarda yordam uyushtiradi. Modul dasturini yakunlaydi	O‘z o‘quv faoliyatini tashkil etadi. 1-modul Vodorodning oddiy modda sifatida o’rganilishi 2-modul Vodorodning fizik va kimyoviy xossalari haqida o’rganish.
V bosqich O‘quvchilar bilimini nazorat qilish va baholash 10 daqiqa	O‘rganilgan mavzu yuzasidan test topshiriqlari, savollar va didaktik jadvallar beriladi	O‘quvchilar test topshiriqlari, savollar va didaktik jadvallar bajaradi
VI bosqich Erishilgan natijani tahlil qilish va yakun yasash 2 daqiqa	O‘quvchilar faoliyatini va natijani tahlil qilish, ularga mustaqil va ijodiy ish topshiriqlarini beradi. O‘quvchilarni baholaydi va rag‘batlantiradi	O‘z o‘quv faoliyati va erishgan natijasini tahlil qiladi va baholaydi, shunga ko‘ra mustaqil va ijodiy ish topshiriqlarini oladi