Методы очистки нефтяных фракций

Автоклав ва трубасимон реакторларда этиленнинг полимерланиш хусусиятлари. Олдин айтиб ўтилдики, этиленни полиэтиленга ўтиши экзотермик реакцияга киради ва иссиқлик ажралиб чиқади. Шунинг учун ажралиб чиққан иссиқликни реакцион мухитдан чиқариб юбориш мухим ахамиятга эга. Иссиқликни реактор девори орқали ёки бўлмаса реакцион массани реакторда иситиш орқали хам чиқариб юбориш мумкин. Иссиқликни қанчалик кўп реакцион мухитдан олиб чиқилса, этиленни полиэтиленга айланишига (конверсия) шунчалик ижобий таъсир кўрсатади. Трубасимон реакторларда (катта узунликка ва кичик диаметрга эга бўлгани учун) иссиқлик узатиш юзаси нисбий катта бўлганлиги учун 35% гача реакция иссиқлиги девор орқали ўтади. Автоклав реакторларда эса иссиқлик узатувчи юза кам бўлганлиги туфайли барча иссиқлик реакторга келаётган совуқ, этиленни қиздириш орқали ажратиб олинади.

Агарда хосил бўлган иссиқликни ўз вақтида реакцион мухитдан олиб чиқилмаса массанинг температураси ошиши мумкин. Шу туфайли этиленни термик парчаланишига шароит туғдирилган бўлади. Кўп тажрибалар шуни кўрсатди ёпиқ реактор ичида харорат 725–9250С босим эса 400–550 МПа кўтарилиши мумкин, унда ёрилиш (взрыв) бўлиши мумкин. Этиленни полимерланиши иккинчи хусусияти этилен-полиэтилен аралашмасини фазовий холатидир. Бу аралашма температура, босим, полиэтиленни концентрациясига қараб реакторга гомоген ёки икки фазага ажралган қатлам холатда бўлиши мумкин. Булардан бири полиэтиленни этилендаги эритмаси кам қовушқоқлигига эга: иккинчи фаза эса этиленнинг суюлтирилган полиэтилендаги эритмаси бўлиб юқори қовушқоқлигига эгадир. Полимерланиш жараёнининг оптимал тезлигини таъминлаш учун реакцияни гомоген шароитда олиб бориш зарур. Ундан ташқари юқори қовушқоқликка эга бўлган полимер эритмаси реактор деворларига ёпишиб бир текисда парда хосил килади. Бу парданинг қалинлиги реакцион массанинг харакат тезлигига боғлиқ. Бу кўрсаткич қанча кам бўлса, ёпишган пардани қалинлиги шунча ортиб боради. Ёпишган парда иссиқлик ўтказишга салбий таъсир кўрсатади, яъни иссиқлик ёмон ўтади.