Металл ва ярим ўтказгич (МЯ) контакти

Металл ва ярим ўтказгич (МЯ) контакти

Ярим ўтказгичли техникада заряд ташувчиларнинг чиқиш ишлари турлича бўлган каттиқ жисмлар орасидаги контактлар: металл-металл, металл-ярим ўтказгич, металл-диэлектрик, ярим ўтказгич-ярим ўтказгич, ярим ўтказгич-диэлектрик, металл-диэлектрик-металл, металл-диэлектрик-ярим ўтказгичлардан фойдаланамиз.

Турли металл ва ярим ўтказгич контактларидаги жараёнларни кўриб чиқайлик

Металл-ярим ўтказгич контакти заряд ташувчиланинг чиқиш иши ҳамда ярим ўтказгичланинг турига кўра тўғриловчи ва омик контакт бўлиши мумкин.

Заряд ташувчиларнинг чиқиш иши кичик бўлса, жисмдан шунча кўп электрон чиқади.

Металл билан n-турли ярим ўтказгич контактларини олайлик.

Металлдан электроннинг чиқиш иши А_м, ярим ўтказгичдан электроннинг чиқиш иши А_n дан кичик бўлгани учун электрони металлдан ярим ўтказгичга ўтиш имконияти катта бўлади.

Шунинг учун ярим ўтказгичнинг чегарасида асосий заряд ташувчилар-электронлар консентрацияси ортади. Металл-ярим ўтказгич контактига ихтиёрий ишорали кучланиш берилгада ҳам, бу қатламнинг қаршилиги кичик бўлади. Бундай ўтиш тўғрилаш хоссасига эга бўлмагани учун омик контакт дейилади.

Шундай ҳодиса, металл ва p-турли ярим ўтказгич контактларида ҳам ҳосил бўлади.

Агар ярим ўтказгичда электроннинг чиқиш иши А_n, металлдан электроннинг чиқиш иши А _м (А _n<А _м) бўлса, ярим ўтказгичдан металл томон кўп электронлар ҳаракат қилади. Натижада ярим ўтказгич чегарасида асосий заряд ташувчилар бой бўлган соҳа ҳосил бўлади. Унинг қаршилиги ҳам кичик бўлгани учун омик контакт бўлади

Юқорида кўриб ўтилган тўғрилаш хоссасига эга бўлмагани учун омик контактлар ярим ўтказгичли асбобларда n ва p соҳаларда чиқиқлар ҳосил қилишда қўлланилади. Бунинг учун зарур бўлган металл танланади.

Металл ва ярим ўтказгич контактлари тўғрилаш хоссасига эга бўлган ҳолатни кўриб ўтайлик..

Металл ва n-турли ярим ўтказгич контактларида А _n<А _м бўлгани учун электронлар ярим ўтказгичдан металлга ўтиб, ярим ўтказгичнинг чегарасида асосий заряд ташувчилар камбағаллашган қаршилиги катта бўлган соҳа ҳосил бўлади.

Контакт потенциал барьерининг баландлигини кучланиш ишорасига кўра ўзгартириш мумкин.

Бундай ўтиш тўғрилаш хоссасига эга. Бу ҳодиса Шотки томонидан ўрганилган. Шунинг учун потенциал барьерни Шотки барьери, унга асосланган диодни эса Шотки диоди дейилади.

Шундай тўғрилаш хоссасини металл ва p-турли ярим ўтказгич контактлари (А _n<А _м) да ҳам ҳосил қилиш мумкин.