“Менинг маҳаллам-менинг судьям”

Пайариқ туманлараро иқтисодий судининг раиси Б.Жураев томонидан жорий йилнинг 24 ноябрь куни Пайариқ туманидаги “Фитрат” маҳалласида “Менинг маҳаллам-менинг судьям” ғояси асосида сайёр қабул ўтказилди

Суд раиси томонидан сайёр қабул ўтказиш жараёнида, маҳалла биносига йиғилган фуқароларга Ўзбекистон Республикасида суд-ҳуқуқ соҳасида бўлаётган янгиликлар юзасидан маъруза қилинди.

Суҳбат давомида, маҳаллада кам таъминланган, ёрдамга муҳтож, ишсиз қолган фуқаролар эътибордан четда қолмаслигини, уларга ҳар қандай шароитда реал ҳаётга мослашувини яхшилаш борасида ҳоким ёрдамчилари ва маҳалла фаолларини роли катта бўлиши лозимлиги таъкидлади.
Суд раиси Б.Жураев сайёр қабул учун маҳалла биносига йиғилган фуқароларнинг ҳар бирининг муаммоларига яқиндан ёндашиб, қайд этилган масалаларига ечим топилишига кўмаклашди.
Тадбир якунида, ҳар бир давлат ходими ва мутасадди ташкилот раҳбарлари ҳалқ билан ҳамнафас бўлиши, ҳалқнинг дардини тинглашни билиши ва уларнинг муаммоларига қалбдан ёндашиб, масалалаларини ҳал этиш лозимлигини тушунтириб, маҳалла аҳли билан яна учрашувлар ташкил этилишини маҳалла ходимлари ва фуқароларга тушунтирди.