Shuni aytib o‘tish joizki, MPEG-2 standarti videosignalni siqish usuliga reglament belgilamaydi, balki kodlangan videosignal bitli oqimi qanday ko‘rinishda bo‘lishi kerakligini aniqlaydi, shuning uchun aniq algoritmlar apparat-dasturiy ta’minoti ishlab chiqaruvchilarining tijorat siri hisoblanadi. Ammo videooqimni siqishning umumiy prinsiplari (omillari) 4.16-rasmda ko‘rsatilgan ketma-ket jarayonlarni o‘z ichiga oladi.
Dastlabki RGB videosignallar ARO‘da analog-raqamli o‘zgartirilgandan keyin oldindan ishlov berish blokiga kelib tushadi, keyin bu yerda quyidagi amallar bajariladi:
RGB signallar yorug‘lik Y va rangfarq U va V signallariga o‘zgartiriladi, shuningdek 4:4:4 rangli formatni 4:2:2 (rangfarq komponentlarni gorizontal qayta diskretlash)ga yoki 4:2:0 (rangfarq komponentlarni gorizontal va vertikal qayta diskretlash)ga qayta kodlash amali bajariladi;
4.16- rasm. MPEG-2 standartida televizion signalni siqish usulining umumiy ko‘rinishi
Ortiqcha axborotni oldindan o‘chirib tashlash, masalan: agar tasvir foni bir xil piksellar guruhidan iborat bo‘lsa, unda piksel qiymatini va tasvirda uni qancha takrorlash kerakligini yo‘llash kifoya;
Tasvirning har birini 8x8 pikselli oltita blokdan iborat makrobloklar ketma-ketligiga bo‘lish: 4tasi 16x16 matritsani tashkil etuvchi yorug‘lik signali Y va bittadan rangfarq komponentlar U va Vdan iborat;
Agar dastlabki tasvir qatorlararo maydon ko‘rinishida uzatilayotgan bo‘lsa, unda ular progressiv yoyish bilan kadrga o‘zgartirilishi mumkin. Agar o‘lcham 16 pikselga karra bo‘lmasa, tasvirning makrobloklar butun soniga yaxlit butun sonli qilib bo‘linishini ta’minlash uchun tasvirning qatorlar va ustunlariga nol yorug‘likda yetishmayotgan piksellar qiymati (soni) qo'shiladi (4.17-rasm).
So‘ngra bo‘lingan tasvirning makrobloklari kadrlararo ortiqchalikni bartaraf etish uchun olib tashlagich blokining birinchi kirishiga kelib tushadi. Ikkinchi kirishga shu tasvir syujetining avvalgi yoki keyingi kadrdan ko‘chirilgan (siljigan) makrobloklari kelib tushadi. Bunda makroblokning yangi koordinatalari ularning kadrdan kadrga kutilayotgan harakati bashorati asosida hisoblanadi, undan keyin ularning ko‘chishi mumkin bo‘lgan xudud kadrlararo farqining minimal qiymati bo‘yicha aniq joylashuvini belgilaydi. Shu taxlit, makrobloklarning qo'shni piksellari qiymatining ayirmasini hisoblangandan so‘ng ularning axborotlashganligi sezilarli pasayadi yoki umuman 0ga teng bo‘lib qoladi.
4.17-rasm. Tasvirni 16x16 pikselli bloklarga bo‘lish.
Keyin yuqori aytilgan MPEG-1 standartidagi kabi, olingan makrobloklar farqlari kadrlararo statik ortiqchaligini bartaraf etish uchun DKO‘ mexanizmidan foydalaniladi. DKO‘ning to‘g‘ridan-to‘g‘ri olingan, signal energiyasini uning garmonik tarkibiy qismlari bo‘ylab taqsimlanishini xarakterlovchi koeffitsientlari, Xaffman jadvali asosidagi entropik koder va uzun seriyalar statik kompressori yordamida adaptik kvantlanadi va kodlanadi.
Tiklangan tasvirning sifatini baholash yoki chiqish oqimining o‘zgarmas bitreytidagi holatda, kvantlashni adaptiv boshqarish uchun koderda siqilgan video ma’lumotlarni dekoderlash jarayoni amalga oshiriladi. Buning uchun dekvantlash va teskari DKO‘ bloklari ishlatiladi va umumlashtiriladi (yig‘indisi olinadi) (4.16-rasm). Umumlashtirish blokida videomlumotlar harakatini kompensatsiyalash bashorat xatoliklari bilan qo'shiladilar va shu orqali kadrning piksel qiymatlari tiklanadilar. Signal haqida olingan ma’lumotlar axborotlarni kodlash uzeliga yuboriladi,bu esa shakllanayotgan siqilgan tasvir sifatini baholash imkonini beradi.
Do'stlaringiz bilan baham: |