Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

7.3. DVB-C2 kabel televideniye standarti

Kanaldagi xalaqitlarning past ko‘rsatgichi va yuqori o‘tkazuvchanlik qobiliyati hisobiga zamonaviy kabelli televizion tarmoqlar hozirda va kelgusida ayniqsa, keng polosali teskari aloqani shakllantiruvchi telekommunikatsion xizmatlar uchun sifatli asoslarni namoyon qilmoqda. DVB-C standartida raqamli televideniye tizimini MPEG-2 siqilishi bilan birgalikda joriy qilinishi tarmoqda katta miqdordagi televideniye kanallarini kiritish imkonini yaratdi. Shu bilan birga DVB-C analog teleeshittirish bilan birga mavjud bo‘lishi davom etmoqda, chunki hozirgacha ko‘pgina kabel tarmoqlarida Internet ma’lumotlarini ikki tomonlama uzatish amalga oshirilmoqda. Operatorlar o‘zlarida an'anaviy teleeshittirishga qo'shimcha telefoniya va Internetga kirishni ta’minlaydigan multiservis xizmatlar paketini shakllantiradilar. Bunda IP-trafik hajmi sezilarli o'smoqda va bu rivojlanish kelajakda ham saqlanib qolish istiqboli kutilmoqda. Undan tashqari, videomateriallar borgan sari yuqori aniqlikdagi televideniye formatida taqdim qilinmoqda, bu esa standart aniqlikdagi televideniyega nisbatan yuqori o‘tkazuvchanlik qobiliyatini ta’minlaydigan kengroq polosani talab etadi. Shu bilan birga, foydalanilayotgan to‘g‘ri kanal spektri 800MGs qiymat bilan cheklangan. Shuning uchun yuqori aniqlikdagi televideniye standartida ommaviy uzatishlarni joriy qilishda, ko‘pgina kabel opreratorlari, spektr chastotalari yetishmasligi muammosiga duch keladilar. Ushbu muammoni yoki televideniye diapazoni yuqori chastotasini ko‘tarish yoki tarmoqdagi abonentlar sonini kam miqdorga ega segmentlarga bo‘lish bilan bartaraf etish mumkin. Ikkala yondashuv ham qo'shimcha qurilmalarni ham uzatish, ham qabul qismlarida foydalanishni talab qiladi, bu o‘z navbatida ko‘rsatilayotgan xizmat haqqini oshishiga olib keladi. Uchinchi, istiqbolli yondashuv - fizik kanalning spektrdan samarali foydalanish texnologiyasini qayta tashkil qilishdir. Bunday texnologiya aynan yaqindagina qabul qilingan raqamli kabelli televideniye standarti, ikkinchi avlodi DVB-C2da ishlab chiqilgan.