Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

Parallel ARO‘

Televizion signallar ARO‘ blokning asosiy xususiyatlari biri ularning yuqori tezligi. Bu talabga ko‘proq parallel ARO‘ (2.21-rasm) va parallel- ketma-ketli ARO‘lar (2.22- rasm) mos tushadi. Parallel ARO‘ asosan quyidagi tashkil etuvchilardan iborat:

• 
  R-rezistorlardan tuzilgan tayanch kuchlanishni bo‘luvchi elementlar;
  
• 
  K-kuchlanish komparatorlari jamlamasi;
  
• 
  Raqamlashtirgich (shifratorlar);
  
• 
  Chiqish kaskadlari.
  

2.21- rasm. Televizion signallar ARO‘ning parallel turi.

Keng chastota o‘tkazish oralig‘ini ta’minlash hamda komparatorlarning sezgirligini saqlash uchun strobiratsiya qo‘llaniladi, ya’ni komparatorning chiqishidagi ma’lumot takt chastotasinig aniq ma’lum vaqtlarida o‘qiladi (masalan: takt chastotasining orqa fronti bo‘yicha). Chiqishda n ikki razryadli signal olish uchun, qurilma 2ⁿ - 1 komparatordan iborat bo‘lishi kerak. Komparatorning birinchi kirishlari birlashtirilgan va ularga tashqi kiruvchi signal (U_kirish) berilsa, boshqasiga esa bo‘lgichlar orqali - bo'sag‘a (porog) kuchlanishi beriladi. Bo‘lgichlar kirishiga yuqori stabillik tayanch kuchlanishi beriladi.

Shunday qilib, komparatorlar kirishdagi ma’lumot kuchlanishi bilan tayanch kuchlanishlarini solishtiradilar. Agar kirishdagi ma’lumot kuchlanishi bo'sag‘a kuchlanishidan kichik bo‘lsa, komparator chiqishidagi mantiqiy “0” ga teng bo‘ladi.
Agar ma’lumot signali bo'sag‘a signalidan katta bo‘lsa,komparator chiqishida mantiqiy “1” qiymati hosil bo‘ladi. Xilma xil komparatorlridagi tayanch kuchlanishlari kvantlash qadamiga mos ravishda o‘zgaradi. Masalan: Bir volt kuchlanishli 8 razryadli raqamli televizion signal uchun 255 komparator kerak bo‘ladi va tayanch kuchlanishi 3,9 mV qadam bilan o‘zgaradi.
Qanchalik kiruvchi signalning qiymati katta bo‘lsa shuncha ko‘p komparatorlar chiqishida mantiqiy “1”ga hosil bo‘ladi. Shifrator esa (2ⁿ - 1) li razryadli komparatorlarning kodini n - razryadli ikkilik kodiga aylantiradi va chiqish registrida yozadi hamda chiqishga uzatadi. Bunday ARO‘ning tezligi komparatorlar va shifratorning tezliklariga bog‘liq
Diskretlash vaqtlari takt yoki strobiratsiya impulslari bilan aniqlanib, komparatorlar ishlashiniga ruxsat beriladi va shifrator chiqishidagi kodlar qayd etiladi.
Parallel turdagi ARO‘ning razryadlar sonini bittaga oshirish komparatorlar sonini ikki marta oshirishni talab etadi. Bu o‘z navbatida katta integral mikrosxemaning kristall maydonini oshishiga olib keladi va sxema murakkablashib, energiya ta’minot quvvati ko‘payadi. Shu sababli bunday ko‘rinishli tezkor ARO‘lar razryadlar soni 8 tadan oshmagan holdatlardagina ishlatiladi.